राष्ट्रपतिद्धारा पाकिस्तान र जर्मनीमा राजदूत नियुक्त

Posted on: August 23, 2016 | views: 560

७ भदौ, काठमाडौं ।
राष्ट्रपति विद्यादेवी भण्डारीले परराष्ट्र मन्त्रालयका दुई सहसचिवलाई पाकिस्तान र जर्मनीको राजदूतमा नियुक्त गर्नु भएको छ ।

राष्ट्रपति भण्डारीले मन्त्रिपरिषद्को सिफारिसमा सेवा लम्साल अधिकारीलाई पाकिस्तानको र रमेशप्रसाद खनाललाई जर्मनीको नेपाली राजदूतावासमा राजदूतका लागि नियुक्त गर्नु भएको राष्ट्रपतिको कार्यालयले आज जारी गरेको विज्ञप्तिमा जनाइएको छ ।

फ्रान्ससँगको सम्बन्ध थप मजबुत हुने


प्रधानमन्त्री पुष्पकमल दाहालले नेपालका लागि फ्रान्सेली राजदूत येम्स कारमोनासँग आज भएको भेटवार्तामा फ्रान्सले उपलब्ध गराएको सहयोगप्रति आभार व्यक्त गर्दै उसँगको मैत्री सम्बन्ध आगामी दिनमा थप प्रगाढ र मजबुत हुने बताउनुभएको छ ।

प्रधानमन्त्री निवास बालुवाटारमा भएको भेटवार्तामा दुई मुलुकबीचको मैत्री सम्बन्ध र सहयोगका विभिन्न आयामका बारेमा कुराकानी भएको थियो ।

राजदूत कारमोनाले नेपाल फ्रान्सको असल मित्र भएकाले दुवै मुलुकले साझा हित र चासोका क्षेत्रमा काम गर्ने बताउनुभएको प्रधानमन्त्रीका स्वकीय उपसचिव मनोहरि तिमिल्सिनाले जानकारी दिनुभयो ।