राष्ट्रिय ध्वजाबाहक नेपाल वायुसेवा निगमले काठमाडौँ दुबई सीधा उडान थाल्यो

Posted on: August 19, 2016 | views: 720

३ भदौ, काठमाडौं ।

नेपाल वायु सेवा निगमको काठमाडौँ–दुबई सीधा उडान सुरु भएको छ ।

विमान अभावका कारण बन्द भएको झन्डै चार वर्षपछि निगमले पुनः बिहीबारदेखि नियमित उडान सुरु गरेको हो ।

बिहीबार राति ११ः२० बजे १५८ यात्रु लिएर दुबई उडेको निगमको एयरबस शुक्रबार बिहान १०ः२५ बजे काठमाडौँ फिर्ता भएको निगमका कर्पोरेट निर्देशक एवम् प्रवक्ता रामहरि शर्माले जानकारी दिनुभयो ।

प्रवक्ता शर्माले निगमको नियमित तालिकाअनुसार उडान हुने र आइतबारका लागि पनि १५८ अर्थात९पूरै सिट० बुकिङ भएको बताउनुभयो ।

निगमको कार्यतालिकाअनुसार निगमले सातामा तीनवटा उडान गर्नेछ । काठमाडाँैबाट आइतबार, मङ्गलबार र बिहीबार तथा दुबईबाट सोमबार, बुधबार र शुक्रबार उडान हुनेछ ।

काठमाडौँ–दुबई उडानको सुरुको प्रवद्र्धनात्मक भाडा दर दुईतर्फी रु ३२ हजार तोकेको निगमले जनाएको छ ।

निगमले अहिले दुई एयरबस र एउटा बोइङ जहाजमार्फत अन्तर्राष्ट्रिय उडान गरिरहेको छ । हाल निगमले भारतको नयाँ दिल्ली, मुम्बई, बैङ्लोर, मलेसियाको क्वालालम्पुर, थाइल्यान्डको बैंकक, कतारको दोहा र हङ्कङमा उडान भर्दै आएको छ । दुबई उडान सुरु गरेपछि निगमको उडान गन्तव्य आठ पुगेकोछ ।