एनआरएनको शाखा अब ब्राजिलमा पनि, ७४ देशमा पुग्यो एनआरएन

Posted on: August 13, 2016 | views: 449

२९ साउन, ब्राजिल ।
प्रवासमा रहेका नेपालीहरुको साझा संगठनको रुपमा विश्वव्यापी बन्दै गएको गैरआवासीय नेपाली संगठनको शाखा ब्राजिलमा पनि खुलेको छ ।

ब्राजिलमा ब्राजिल नेशनल कोअर्डिनेशन काउन्सिलको रुपमा एन्आरएन शाखा निर्माण भएको हो । यो सँगै एनआरएनको विस्तार ७४ देशमा पुगेको छ ।

हालै सम्पन्न एक भेलाले गणेश प्रसाद गुरुङको अध्यक्षतामा एनआरएनए ब्राजिल गठन गरेको हो ।

समितिको उपाध्यक्षमा शिला गुरुङ, महासचिव होम बहादुर गुरुङ, सचिब नवराज रेग्मी, कोषाध्यक्षमा साहस चौधरी चयन भएका छन् ।

यस्तै संघको प्रबक्तामा सन्देश लामिछाने, महिला संयोजक दिपशिखा कार्की, युवा संयोजक शंकर बास्कोटा, महिला सहसंयोजक मिन कुमारी गुरुङ, युवा सहसंयोजक जीवन गुरुङ, सदस्यहरु बिक्रम गुरुङ, धन बहादुर गुरुङ, देवराज भट्टराई, सिजन गुरुङ र इन्द्र गुरुङ चयन भएका छन्। संघको सल्लाहाकारमा चन्द्र गुरुङ, अमर आले मनोनयन भएका छन् ।