विदेश जानेका श्रीमतीले सम्बन्ध बिच्छेद गर्ने क्रम बढ्यो

Posted on: August 08, 2016 | views: 720

२४ साउन, दाङ ।
दाङमा सम्बन्ध बिच्छेद गर्नेहरुको संख्यामा बृद्धि हुदै गएको छ । दाङ देउखुरी जिल्ला अदालतमा गएको आर्थिक बर्ष २०७२ ÷ ०७३ मा सम्बन्ध बिच्छेद गरी पाउ भनी परेका ३ सय ९३ वटा उजुरी मध्ये ३ सय ९ जोडीहरुको सम्बन्ध बिच्छेद भईसकेको श्रेष्तेदार गम्भीर राणाले जानकारी  दिुनुभयो ।

त्यस्तै ८४ मुद्धा फस्र्यौट हुन बाकि छन । त्यसै गरी वितेको आर्थिक बर्ष २०७१/०७२ मा परेका ३ सय ३५ वटा उजुरीहरु मध्ये २ सय ५२ जोडिको सम्बन्ध विच्छेद भएको र ८३ वटा मुद्धा फच्र्यौट हुन बाँकि रहेको राणाले जानकारी दिनु भयो । यसरी वितेका दुई बर्ष लाई तुलना गर्दा सम्बध बिच्छेद गर्नेहरुको संख्यामा बृद्धि भएको देखिन्छ ।

यसैविच बैदेशिक रोजगारका कारण श्रीमानहरु परस्त्रीसँंग र श्रीमतिहरु पर पुरुष सग सम्पर्क बढ्नु, कुटपिट गर्नु, मानिसहरुमा स्वतन्त्र हुने चाहना बढ्नु लगायतका कारणले सम्बन्ध बिच्छेद गर्नेहरुको संख्यामा बृद्धि हुँदै गएको अदालतले बताएको छ ।

त्यसै गरी सम्बन्ध बिच्छेद हुने अन्य कारणहरुमा जाँडरक्सी पिउने, कुनै केटा सँग बोल्दा शंका गर्ने, दाइजो नल्याएको भनी गालि गर्नु , खर्च नदिने, बाल बच्चाको वास्ता नगर्ने तथा वहुविवाह रहेका छन ।

यसरी सम्वन्ध विच्छेद भएका घटनाहरु हेर्दा प्राय श्रीमान् विदेश गएका श्रीमतीहरुको संख्या अधिक रहेको पाइएको छ ।
भर्खरको विवाह पश्चातको विछोड, श्रीमान् अर्कैसंग लागेको हल्ला वा सुनेकै आधारमा समेत श्रीमतीहरु परपुरुषसँग लाग्ने वा श्रीमान्सँग सम्वन्ध विच्छेद गर्नेसम्मको घटना बढ्दै आएको देखिएको छ ।