कोरियाद्धारा ५५ सय जनालाई ‘लेबर कन्ट्रयाक्ट’

Posted on: June 10, 2016 | views: 514

२८ जेठ, काठमाडौं ।
दक्षिण कोरियाले एकैपटक ५५ सय नेपाली युवालाई लेबर कन्ट्रयाक्ट दिएको छ ।

रोजगार अनुमति प्रणाली 'इपीएस' अन्तर्गत दक्षिण कोरियाले सन् २०१६ को जनवरी यता ५ हजार ५ सय बढीको ‘लेबर कन्ट्रयाक्ट’ दिएको हो ।

नेपालस्थित इपीएस कोरिया शाखाका अनुसार यसअघि सबै प्रक्रियामा छनौट भइ कोरिया जाने सूचिमा रहेका मध्ये ५५ सय जनाको श्रम सम्झौता भएको छ ।

‘यो वर्ष नेपाली कामदार लैजान कोरियाले विशेष चासो देखाएको छ । त्यसैले साढे ५ महिनाको अवधि मै अघिल्ला वर्षको तुलनमा उच्च श्रम सम्झौता पठाएको ईपिएस शाखाले जनाएको छ ।

कोरियाले फागुनको पहिलो हप्तादेखि नेपाली कामदारको छनोट सुरु गरेको थियो । कोरियाको मानव संसाधन विकास विभागले पहिलो चरणमा कृषि र उत्पादनमूलक तर्फका कामदार छनौट अघि बढाएको छ ।

कोरियाले अब आगामी जुन महिनामा दोस्रो चरणको छनोट गर्नेछ । त्यसको चार महिनापछि तेस्रो तथा अन्तिममा कामदार छानिने छन् ।

कामदार छान्न रोजगारदाता कम्पनीहरु सहभागी हन्छन् । उनीहले परीक्षा पास भएकामध्येबाट आफुलाई आवश्यक पर्ने कामदार भाषा छान्न पाउँछन् ।

सन् २०१६ को लागि भएको भाषा परीक्षामा ८ हजार ४ सय ९० जना उत्तीर्ण भएका थिए । उत्पादनमुलकतर्फ ५ हजार ८ सय १७ र कृषि तथा पशुपालनतर्फ २ हजार ६ सय ७३ जना उत्तीर्ण भएका थिए । अघिल्लो वर्ष रोष्टरमा रहेका १ हजार जना पनि कोरिया जाने प्रतिक्षामा छन् ।

कोरियाले सन् २०१७ का लागि आगामी असारको ४ र ५ गते अर्को लटका लागि भाषा परीक्षा गर्दैछ । अहिले रोष्टरमा रहेका कामदारको छनौट सन् २०१८ को जनवरीसम्म जारी रहने बताइएको छ ।

सन् २००७ मा नेपालसँग श्रम सम्झौता भएसँगै सन् २००८ देखि कोरियाले नेपाली कामदार लिन सुरु गरेको थियो ।