नुवाकोटका जनकलालको पोर्चुगलमा मृत्यु

Posted on: May 28, 2016 | views: 579

१५ जेठ, लिस्बन ।
नेपाल नुवाकोट जिल्ला घर भै पोर्चुगलमा बसोबास गर्दै आएका ३९ बर्षिय जनकलाल श्रेष्ठ को मृत्यु भएको छ ।

विगत एक बर्षदेखी लिस्बनमा बस्दै आएका जनकलाको कलेजोको रोगबाट बिरामी भै असामयिक निधन भएको हो ।

श्रेष्ठको शव ब्यबस्थापनको निम्ति पोर्चुगल स्थित सम्पुर्ण संघसंस्थाका अध्यक्ष र प्रतिनिधिहरु, समाजसेबी, ब्यबसायीहरु एबम शुभ( चिन्तक दिदिबहिनी तथा दाजुभाइहरुको गैर-आवासीय नेपाली संघ पोर्चुगलको कार्यालयमा भएको आकस्मिक बैठकले स्वर्गीय श्रेष्ठको परिबारको चाहना र सहभागितामा शव दाहसंस्कारको निम्ति नेपाल पठाउने निर्णय गर्दै पोर्चुगलबासी दिदिबहिनी तथा दाजुभाइहरुबाट स्वेच्छिक आर्थिक सहयोगको अपेक्षा गरेको छ।

यसका साथै बैठकले यस्ता आपतकालीन समयमा सहयोग पुर्याउन आकस्मिक कोषको स्थापना गर्ने र शव ब्यबस्थापनबाट बचत भएको रकम सो कोषमा जम्मा गरि स्थायी प्रकृतिको कोषको अबधारणा अगाडि बढाउने निर्णय गरेको छ।

सहयोग संकलन र शव ब्यबस्थापनको निम्ति गैर आवासीय नेपाली संघ पोर्चुगलका अध्यक्ष भीम के सी कमलको संयोजकत्वमा पोर्चुगलस्थित संघसंस्थाका अध्यक्षहरु, समाजसेवी, ब्यबसायी, शुभचिन्तकहरु सम्मिलित समिती, पूर्व एनआरएन अध्यक्ष तथा जन सम्पर्क समिति पोर्चुगलका अध्यक्ष लक्ष्मी प्रसाद सापकोटाको संयोजकत्वमा बैधानिक प्रक्रिया निर्क्यौल समिती तथा एनआरएन पोर्चुगलका कोषाध्यक्ष रुपक श्रेष्ठको संयोजकत्वमा पारिवारिक समन्वय समिती गठन गरि कार्यारम्भ गरिएको छ ।

आगामी ३१ मे मंगलबार ४ बजेसम्म यथासक्य सहयोग गरिदिन गैर(आवासीय नेपाली संघ पोर्चुगलले आग्रह गरेको छ ।