मह जोडी तीन महिना लामो युरोपियन देशको कार्यक्रम लिएर स्विजरल्याण्डमा

Posted on: May 24, 2016 | views: 850

११ जेठ, स्विजरल्याण्ड ।
लोकप्रिय हाँस्य कलाकारद्वय मदनकृष्ण श्रेष्ठ र हरिबंस आचार्य सहितको टोली स्विजरल्याण्ड आइपुगेको छ ।

जेनेभा आइपुगेको मह जोडी सहित नरेन्द्र कंसाकार, गायीका माण्डबी त्रिपाठी, गायक यमन श्रेष्ठ, गायक मोहित आचार्य तथा हरिवंश पत्नी रमिला आचार्यको टोलीलाई जेनेभा विमानस्थलमा भव्य स्वागत गरिएको छ ।

जेनेभा उत्रिएको मह संचारको यो टोलिले स्विजरल्याण्ड सहित युरोपका अन्य देशहरु स्पेन , पोर्तुगल, बेल्जियम, अस्ट्रिया, ग्रिस, फ्रान्स, जर्मनी लगायत देशमा विभिन्न मितिमा सांस्कृतिक कार्यक्रम गर्दैछ ।

अन्य देशको कार्यक्रम सकेपछि यही मे २८ तारिख शनिबारका दिन मह जोडीले जेनेभामा सांस्कृतिक तथा मनोरन्जनात्मक कार्यक्रम गर्दैछन् ।

गैर आवासीय नेपाली संघ महिला सह – संयोजक रजनी प्रधानको पहलमा लगभग ३ महिना को लागि युरोप यात्रामा रहेका मह जोडीको जेनेभा पश्चात गैर आवासीय नेपाली संघ स्विजरल्याण्डको आयोजनामा मे २९ तारिख बर्न मा पनि कार्यक्रम रहेको छ ।