हामबर्गमा भव्य रुपमा मनाइयो तमु ल्होसार पर्व (फोटोफिचर)

Posted on: December 27, 2018 | views: 796

दीपक धिताल, ह्यामबर्ग (जर्मनी) ।
तमु समाज ह्यामबर्ग जर्मनीले २७ डिसेम्बरका दिन भब्य रुपमा ल्होसार पर्व मनाएको छ । जर्मनीको ह्यामबर्ग शहरमा भएको कार्यक्रमका प्रमुख अतिथी एबं जर्मनीका लागि नेपाली राजदुत राजेन्द्र खनालले विदेशी भूमिमा रहेर पनी आफ्नो कला, संस्कृति जोगाउनका लागि तमु समाजले खेलेको भुमिकाको प्रशंशा गर्नुभयो । सबैं ब्यस्त रहने जीवनबाट केहि समयका लागि भएपनी आफन्त तथा साथिभाइहरुसँग खुशी साटासाट गर्न पाउने यस कार्यक्रमले निकै उल्लस थपेको उहाँको भनाइ थियो ।

राजदुत खनाल लगायत समाजका अध्यक्ष लाल बहादुर गुरुगंले कार्यक्रमको उद्घाटन गर्दै सबैलाई ल्होसार अर्थात नयाँ बर्षको उपलक्ष्यमा शुभकामना प्रदान गर्नुभएको थियो ।  जर्मनीको ह्यामवर्ग, बर्लीन लगायत युरोपका विभिन्न संघ संस्थाका प्रतिनिधी, व्यवसायी, विद्यार्थी, कलाकार सर्बसाधारण गरी करिब ६ सय जनाको उपस्थिती रहेको कार्यक्रममा नेपालदेखि आएका कलाकारले स्टेज तताएका थिए भने स्थानीय कलाकारको पनि बेजोड प्रूस्तुती रहेको थियो । लोक कलाकार प्रकाश सपुत, सुनिता दुलाल र पपगायक धिरज राईले उपस्थित दर्शकलाई भब्य मनोरन्जन प्रदान गरेका थिए । यस्तै गरि स्थानीय कलाकारहरु र संघसंस्थाहरुको प्रस्तुतिहरुले कार्यक्रमको रनौकतामा थप उर्जा मिलेको आभाष दिलाएको थियो ।


तमुहरुको मौलिक भाषा, धर्म, संस्कार, संस्कृतीलाई निरन्तरता दिनको लागि कार्यक्रममा उपस्थित धेरै सहभागी तथा कलाकारहरु सांस्कृतीक पहिरनमा सझिएर आएका थिए । तमु संस्कृती जोगाईराख्न, तथा जर्मनीमा जन्मे हुर्केका बालबालिकाहरुलाई तमु संस्कृतीको पहिचाहन गराउन यस्ता कार्यक्रमको विशेष महत्व रहने कार्यक्रममा सहभागिहरुको भनाइ थियो । सन् २००२ बाट मनाउँदै आएको ल्होसारमा प्रत्येक बर्ष जस्तै यस पटक पनि आयोजकले उपस्थित सबैलाई खादा ओढाएर सम्मान सहित स्वागत गरेको थियो ।

समाजका महासचिव सुन्दर गुरुगंले संसारको जुनसुकै ठाँउमा भएपनि सर्वप्रथम नेपाली भनेर चिनिने भएको हुनाले क्षेत्रीय, जातीय रुपमा भन्दा राष्ट्रियताको भावना र सद्भावलाई उच्च राख्न आफुहरुले यो कार्यक्रम विगत १७ बर्षदेखि गर्दै आएको बताउनुभयो ।

नेपालमा मुलत ३ किसिमको ल्होसार मनाउने गरिन्छ । गुरुङहरुले तमु, तमाङहरुले सोनाम र शेर्पाहरुले ग्याल्पो ल्होसारको नाममा मनाउने चलन छ । उनीहरुले यस बर्ष खी अर्थात कुकुर बर्गलाई बिदाई गर्दै फो अर्थात मृग बर्गलाई स्वागत गरेका छन् ।

नयाँ बर्ष ल्होसारमा परम्परा अनुसार पुरोहितबाट पुस १४ गते रातको १२ बजे दुख, दोखलाको ग्रह दशा शान्ति गराउछन् र भोली पल्ट नयाँ दिनको झुल्के घाम संगै नयां बर्षको स्वागत गर्दछन् । उनीहरु आ आफ्नो समुदायका मान्यजनको घर घरमा गएर आर्शिवाद लिने गर्दछन् ।