कुर्दिस्तानका नेपालीहरुले शुभकामना, नाचगान र नेपाली खाना सहित एकसाथ मनाए बडा दसैं

Posted on: October 25, 2018 | views: 561

काठमाडौं ।

बैदेशिक रोजगारिको क्रममा कुर्दिस्तानमा रहेका नेपालीहरुले सामुहिक रुपमा भेला भएर बडा दशैंको शुभकामना आदानप्रदान सहित नाचगान र नेपाली परिकार सहित बडा दसैं मनाएका छन् ।

प्रवासी नेपाली एकता समाज कुर्दिस्तानको आयोजनामा भएको बिजया दशमी तथा शुभदिपावली कार्यक्रम २०७५ भव्यताका साथ सम्पन्न भएको आयोजकले जानकारी दिएको छ ।

ईराक तथा कुर्दिस्तानमा रहेर नेपाली सांगितिक क्षेत्रमा सक्रिय गायक गायिका सहित चर्चित मेन्दोमाया गायक लगायत सेलो गायिकाहरु र राष्ट्रिय स्तरका लोक गायकहरुको उपस्थितिमा कार्यक्रम नाचगान सहित सम्पन्न भएको हो । सहभागीहरुलाई नेपाली डिजे नरेश तामागंले आधुनिक गितसंगितको संयोजन सहित नचाएका थिए ।


बडा दशैंको टिकाको दिन भएको कार्यक्रम कुर्दिस्तानको होली नवरज हलमा सम्पन्न भएको हो ।

कार्यक्रमलाई सिटि एक्सप्रेस र मकवानपुर समृद्धि शिखर समाजले सह प्रायोजन गरेको थियो ।

कार्यक्रमको अध्यक्ष आयोजक संस्थाका अध्यक्ष समेत रहेका नविन कुमार लामा, सभापतिमा सलाम सिंह लामा र प्रमुख अतिथिमा नेपाल तामागं घेदुगं कुर्दिस्तानका अध्यक्ष नुरी लामा रहनुभएको थियो ।



यसैगरि कार्यक्रमको सञ्चालन आयोजक संस्थाका सचिव रञ्जिब कुमार लामाले गर्नुभएको थियो भने कार्यक्रममा विशिष्ट अतिथिको रुपमा विभिन्न संस्थाका पदाधिकारी सहित विभिन्न कम्पनी तथा सुभेच्छुकहरुको सहभागीता रहेको थियो ।


भव्य रुपमा सम्पन्न कार्यक्रमलाई सफल बनाउन उपस्थिति तथा सहयोग गर्नुहुने सबैमा धन्यवाद दिंदै आयोजक संस्था प्रवासी नेपाली एकता समाज कुर्दिस्तानका अध्यक्ष नविन कुमार लामाले आगामी दिनमा समेत सबैबाट यस्तै साथ र सहयोगको अपेक्षा गरिएको बताउनुभयो ।

कार्यक्रमको थप तस्विरहरु हेर्न यहाँ क्लिक गर्नुहोस्