क्यान्सरबाट पीडित बालकलाई धादिङ–नुवाकोट समाज यूकेको सहयोग

Posted on: May 06, 2018 | views: 1168

अशोक ढकाल
 नुवाकोटको किस्पाङ गाँउपालिका वडा नं. २ फिकुरी स्थित सिमाराङका तीन वर्षीय बालक गौरब घिमिरेको जन्मजात मिर्गौलामा क्यान्सर भएकाले धादिङ–नुवाकोट समाज यूकेले ३४ हजार ६०० रुपैयाँ सहयोग गरेको छ ।


धादिङ र नुवाकोटबाट बेलायतमा गएर बसोबास गर्ने नेपालीहरुको साझा सस्था धादिङ–नुवाकोट समाज यूकेले जन्मजात नै मिर्गौलमा खराबी भएका बालक गौरबको उपचारमा सहयोग पु¥याउन उहाँको आमा पार्वतीलाई  यही बैशाख २३ गते  विदुरमा करिब ३५ हजार रुपैयाँ सहयोग गरेको हो ।


धादिङको निलकण्ठ नगरपालिका वडा नं. १४ पात्ले घर भएर अहिले बेलायतमा गएर बस्नुभएका धादिङ–नुवाकोट समाज यूकेका महासचिव धनबहादुर तामाङले संकलन गरी पठाएको रकम बिरामी बालकको आमालाई हस्तान्तरण गरिएको तार्केश्वर गाँउपालिका वडा नं. १ दाङसिंहका सोमबहादुर तामाङले जानकारी दिनुभयो ।


२०७२ कार्तिकमा जन्मनुभएका बालकको जन्मदता नै मिर्गौलामा नशा सानो भएर रक्तसञ्चार प्रणाली सञ्चालन नभएर क्यान्सरबाट पीडित भएका छन् । शारिरीक रुपमा समेत कमजोर देखिएका बालकको उपचारको लागी अहिले मासिक दश हजार रुपैयाँको औषधी खुवाएर बचाउदै आएको र एमआरआई, इसीजी, लगायत गरेर मात्र मिर्गौला परिवर्तन गर्न सकिने चिकित्सकहरुले सुझाब दिएका छन् ।


पीडित परिवारको आर्थिक अबस्था कमजोर भएकाले उपचारको लागी विभिन्न सँस्था मार्फत प्राप्त भएको सहयोगबाट नै बालकलाई औषधि खुवाउने गरिएको छ ।