खाडी मुलुकमा महिला पठाउँदा सुरक्षा र अधिकार जोखिममा

Posted on: December 21, 2017 | views: 228

काठमाडौं ।

दक्षिण एशियाली राष्ट्रबाट वैदेशिक रोजगारीका लागि खाडी मुलुकमा महिलालाई पठाउँदा उनीहरुको सुरक्षा र अधिकारमा संवेदनशील हुन आवश्यक रहेकोमा जोड दिएका छन् ।

अन्तर्रा्ष्ट्रिय आप्रवास संगठन 'आइएमओ', स्विस सहयोग नियोग 'एसडिसी' र युएन ओमनले काठमाडौमा आयोजना गरेको ‘वैदेशिक रोजगारीमा लैङ्गिक संवेदनशीलताबारे बहुसरोकार परामर्श’ कार्यक्रमका सहभागीले खाडी राष्ट्रमा जाने महिला कामदारको सुरक्षाका लागि स्पष्ट मापदण्ड बनाउन आवश्यक रहेको बताए ।

कार्यक्रममा आइएमओ, अमेरिकाका वरिष्ठ अधिकृत युको हमादा र आइएमओका परामर्शदाता मारी जोसे तायहले कार्यपत्र प्रस्तुत गर्दै विशेषगरी खाडीमा घरेलु कामदारका रुपमा जाने महिला कामदारले विभिन्न समस्या भोग्नुपरेको बताउँदै सोसमाधानका लागि गन्तव्य मुलुक र कामदार पठाउने मुलुकले लैङ्गिक संवेदनशीलता अनुगमन संयन्त्रको विकास गर्नुपर्ने सुझाव दिनुभयो ।