काठमाडौंका कँडेलले गरे अमेरिकामा आत्महत्या

Posted on: October 12, 2017 | views: 2067

अमेरिका ।

अध्ययनका लागि अमेरिका आएका २३ बर्षीय नेपाली युवाले आत्महत्या गरेका छन् ।


अमेरिकाको बाल्टिमोरमा २३ बर्षीय नेपाली विद्यार्थी प्रसिद्ध कँडेलले आत्महत्या गरेका हुन् ।


प्राप्त जानकारी अनुसार १५ महिना अगाडि विद्यार्थी भिसामा अमेरिका आएका काठमाडौं शंखमुलका कँडेलले आत्महत्या गरेको पाइएको हो ।


८ महिना अगाडि बाल्टिमोरमा कलेज ट्रान्सफर गरेका कँडेल परिवारका दुई छोरामध्ये जेठा थिए । उनि १५ महिना अगाडि अलाबामाको विश्वविद्यालयमा अध्ययनका लागि अमेरिका आएका थिए ।


अप्रिलदेखि बाल्टिमोरको सीसीबीसी कलेजमा अध्ययनरत कँडेलले काठमाडौंको चेल्सी एकेडेमीमा पढेका थिए ।


पढाईको चाप र डिप्रेशनका कारण अमेरिकामा कैयन नेपाली विद्यार्थीहरुले आत्महत्या गर्ने गरेका छन् । कँडेलको आत्महत्याको कारण थाहा हुन सकेको छैन तर उनि निकट साथिहरुले भने केही महिना यता उनि एकान्तमा बस्न मन पराउने तथा धेरै सोचमग्न हुने गरेको बताएका छन् ।