दुबईमा नेपाली युवाले जिते अन्तर्राष्ट्रिय अवार्ड

Posted on: October 09, 2017 | views: 92

दुबई ।

नेपाली युवा मबी राजभण्डारीले यूएइमा रिसेप्सनिष्ट अफ दि इयर २०१७ अवार्ड जितेका छन् ।


ग्रान्ड होटल्सका सेफ्स र रिसेप्सनिस्टहरूको संस्था एआईसीआरद्वारा आयोजित उक्त प्रतियोगितामा पालाजो भर्सेस दुबईमा गेस्ट रिलेसन्स एक्जुकेटिभ्स पदमा कार्यरत राजभण्डारीले उक्त अबार्ड पाएका हुन् ।


उनले सन् २०१८ मा स्विट्जरल्यान्डको जेनेभामा हुने विश्वभरिका रिसेप्सनिस्टहरूको अन्तर्राष्ट्रिय डेभिड क्याम्मबेल प्रतियोगितामा यूएईको प्रतिनिधित्व गर्ने भएका छन् ।


काठमाडौंका मबी राजभण्डारीले ग्लोबल एकेडेमी अफ टुरिजम एन्ड हस्पिटालिटी एजुकेसनमा अध्ययनपश्चात सन् २०१५ को अक्टोबरमा प्लाजो भेर्सासास दुबईमा आबद्ध भएका थिए ।


उनले आफ्नो चमत्कार र निर्णय क्षमता तथा संकटकालीन व्यवस्थापनकलाद्वारा निर्णायकहरूलाई प्रभावित तुल्याएका थिए ।


“हामी मबीलाई उनको यो उपलब्धीका लागि हार्दिक बधाइ ज्ञापन गर्दछौं । हामी विश्वव्यापी डेभिड क्याम्पबेल प्रतियोगितामा यूएइ र पालाजो भेर्सेस दुबईमा यस्ता प्रतिभावान व्यक्तिले प्रतिनिधित्व गर्न लागेकामा गौरवान्जित छौं,” पालाजो भेर्सेस दुबईका अध्यक्ष एवं इन्शाका प्रमुख कार्यकारी अधिकृत राजा जाफरले भने ।