अष्ट्रेलियाका आठ शहरमा नेपाल आइडलका वुद्ध, निशान र प्रतापको कन्सर्ट

Posted on: October 07, 2017 | views: 229

मुकुन्दराज भेटुवाल-क्यान्बेरा ।

अष्ट्रेलियाका विभिन्न ८ शहरमा पहिलो नेपाल आइडल फिनालेका तीन जनाको संयुक्त सांगितिक कन्सर्ट हुने भएको छ ।


नेपाल आइडल बिजेता बुद्ध लामा, फस्ट रनरअप निशान भट्टरार्इ र सेकेण्ड रनरअप प्रताप दाससहितको कन्सर्ट सिड्नी, क्यानबेरा सहित ८ स्थानमा हुने भएको हो ।


सिड्नीमा हुने कार्यक्रम ओलम्पीकपार्क स्पोर्ट्स सेन्टरमा हुने भएके छ । अहिलेसम्म नेपालको कुनैपनि कार्यक्रम नभएको यो ओलम्पिक पार्कमा एभरेष्ट कम्युनिकेशन मुख्य प्रस्तुती रहने भएको छ । 

नेपाली टच अस्ट्रेलियाले नेपाल आइडलका टप थ्रीलाई अस्ट्रेलियामा कार्यक्रम गर्न लागेको हो भने सिड्नीको मुख्य कार्यक्रम डीसेम्बर १ मा हुने तय भएको छ ।


नेपाल आइडलको अस्ट्रेलियाब्यापी भ्रमण आउदो नोभेम्बर २० देखि डिसेम्बर २५ सम्म रहने कार्यतालिका सार्वजनिक गरिएको छ ।


कार्यतालिका अनुसार क्यानबेरा, सिडनी सहित ब्रिसबेन, मेलवर्न, एडिलेड, तास्मानिया, पर्थ, डार्बिन शहरमा कार्यक्रम हुने भएको छ ।