गायिका निक्की कार्कीलाई यौन दुर्व्यवहार गर्ने सुशील नेपाल कारवाहीमा परे माफि मागेनन् (भिडियो)

Posted on: September 26, 2017 | views: 700

अमेरिका ।

लोकप्रिय यूवा गायिका निक्की कार्कीलाई कार्यक्रमको लागि बोलाएर यौन दुव्र्यवहारजन्य क्रियाकलाप गरेका सुशील नेपाललाई उनि आवद्ध संस्थाले साधारण सदस्य समेत नरहनेगरि निष्काशित गरेको छ ।


गत सेप्टेम्बर २३ तारिखमा अमेरिकाको नर्थ क्यारोलिनामा बसेको नेप्लिज एसोसिएसन अफ साउथ इस्ट अमेरिका नासाको चौथो विशेष आकस्मिक बैठकले उक्त निर्णय गरेको बताएको छ ।


बैठकमा नव निर्वाचित कार्यकारी उपाध्यक्ष रहेका आरोपित सुशील नेपाल स्वयम् उपस्थित भएका थिए । उनलाई संस्थाको बिधान अनुसार साधारण सदस्य समेत नरहने गरि निष्काशन गरेको नेपालले बताए ।


उनलाई नेप्लिज एसोसिएसन अफ साउथ इस्ट अमेरिका नासाको बिधानको धारा ५ , परिच्छेद १ को उपधारा १ अनुसार कारवाई गर्दै निस्काशित गरिएको हो ।


बिधानको साथै संस्थाको छबिलाई उच्छृंखल गतिबाट अहितकर बनाएकोले सेप्टेम्बर २३ तारिख शनिबार कै दिन देखि लागु हुने गरि निस्काशन गरेको संस्थाका ०का अध्यक्ष माधव ढकालले बताए ।


नेपालले गायिका कार्कीलाई गत सेप्टेम्बर १ देखि ३ सम्म नर्थ क्यारोलिनाको सार्लोट शहरमा आयोजित नासा अन्माको संयुक्त सम्मेलनको अन्तिम दिनको सांगीतिक कार्यक्रममा सहभागी हुन बोलाएर यौन दुर्व्यहारको प्रयास गरेका थिए ।


पीडित कार्कीले संस्थागत कारवाही ढिलो भएको भन्दै सामाजिक सञ्जालमा घटनाको खुलासा गरेपछि विश्वभरबाट आरोपित सुशील नेपालको चर्को आलोचना हुन थालेको थियो ।


आरोपी र पीडक सुशील नेपाल २०१५ २०१७ का कार्यकारी समितिका सदस्य तथा २०१७ २०१९ का कार्यकारी उपाध्यक्ष समेत रहेका थिए ।

उनलाई उनि आवद्ध संस्थाले कारवाही गरेपनि अझैसम्म उनले आफ्नो क्रियाकलाप र गायिका कार्कीमाथि परेको असरमा माफी मागेका छैनन् ।