एनआरएनए जर्मनीमा सुवेदीको बलियो संभावना (विशेष अन्र्तवार्ता/भिडियो सहित)

Posted on: September 07, 2017 | views: 181

संसार भरी छरिएर रहेका नेपालीहरुको साँझा र छाता संस्था गैर आवासीय नेपाली संघको ७६ देशहरुमा अहिले अधिबेशनको रौनकले नेपाली जमातलाई तताई रहेको छ । कतिपय देशहरुमा नयाँ कार्य समिति चयन भैसकेका छन । यसैगरी गैर आवसीय नेपाली संघ (एनआरएन) जर्मनीको सेप्टेम्बर १० मा हुन गईरहेको नयाँ कार्य समिति चयनका लागि हुने निर्वाचनको माहौल पनि तात्दै गएको छ ।

आगामी कार्यकालको नेतृत्व हाक्ने एनआरएनहरुका नेताले उम्मेद्वारी घोषणा गरेका छन । यसैक्रममा एक शशक्त उम्मेदवारको रुपमा उदाएका छन, समाजसेवी यज्ञराज सुवेदी । बिगत पच्चीस बर्षदेखी जर्मनीमा बस्दै आएका सुवेदी धेरै सामाजिक काममा संलग्न रहे र रहिरहेका छन ।  दुई वर्ष पहिले गएको भूकम्पका बेला पनि आफ्नै रेस्टुरेन्टमा नेपाल प्रेमी जर्मन नागरिकहरु बोलाएर नेपाललाई सहयोग गर्ने बाताबरण बनाए उनको योजना र आग्रहबाट धेरै जर्मनहरु नेपाल आएर सहयोग गरे ।  उनले करिब २० लाख एक्लो प्रयासमा उठाएका थिए । चितवन र नवलपरासिको सिमामा पर्ने कविलासमा भूकम्प पिडितका लागि घर पनी बनाइदिए ।

पिडीतहरुलाई राहत बाँडे । तर यसको प्रशंसा खोज्दै मिडयिामा आएनन् र ल्याउन पर्नेले ल्याएनन् । प्रत्येक बर्ष नेपाली पर्व र सस्कृती जोगाउन आफू र परिवार मिलेर कार्यक्रम आयोजना गर्छन । हो उनै सुवेदी आज एनआरएनए जर्मनीको अध्यक्षका दावेदारको रुपमा आएका छन । कुनै राजनीतिक किचलोमा नपरेर विशुद्ध समाजसेवामा विश्वास राख्दै आएका सुवेदीलाई विगतमा पटक पटक नेतृत्वमा आउन चाहेपनी दिएनन केवल राजनीतिक भागबण्डाको आधारमा स्वार्थपूर्ती गर्नेहरुनै नेतृत्वमा हावी हुन पुगेका चर्चा अहिले चलिरहेका छन । 


सधैंभरि राजनितिक खिचातानी र सहमतिकै आधारमा एनआरएनएमा बिजयी गराउने प्रथा चल्दै आएकोमा उनको गुनासो रहेको छ । लोकतन्त्रको सुन्दर पक्ष मतदानमा जान आफू तयार रहेको उनले बताए । राजनिति प्रमुख कुरा भएको तर राजनितिक ब्यक्क्तित्वभन्दा बाहिर रहेरपनि राजनितिलाई आदर र सम्मान गर्दै देश र सामाजलाई सेवा गर्नेहरुको सेवाभाव, मनोकांक्षा, सिप, जाँगर र अनुभवलाई समेटेर एउटा नमुना कार्यकाल बनाउने उनको योजना रहेको छ । 

“नेपालीका लागि नेपाली”भन्ने मूल उद्देश्यका साथ स्थापित गैह्र आवासीय नेपाली संघको स्थापनाकालदेखि नै प्रत्यक्ष रुपमा यस संस्थाको राष्ट्रिय समन्वय परिषद, जर्मनीसँग आवद्द रहेर एक कार्यकाल सन् २००९  देखी २०११ को कार्य समितिमा उपाध्यक्ष भए उनी । अध्यक्ष कार्य गर्न असफल भएपछि कार्यवाहक अध्यक्ष समेतको जिम्मेवारी पूरा गरका थिए । त्यसबाहेक जर्मनीका विभिन्न सामाजिक संघ संस्थाहरुका कार्यसमिति भित्र रहेर निरन्तर रुपमा सामाजिक क्रियाकलापमा सहभागिता जनाईरहेको उनले उल्लेख गरेका छन् । अब १० सेप्टेम्बरमा मतदान हुँदैछ ।

सो निर्वाचनले आगामी दुई वर्षको कार्यकालका लागि नयाँ पदाधिकारीहरुको चयन गर्नेछ । जसमा जर्मनी निवाशी नेपालीको आवाज, ईच्छा, समस्या तथा एन आर एन ए को समग्र विकास, सांगठनिक सुदृढिकरण र पारदर्शिताका लागि हामी सबैका सकारात्मक भावना र बिचारहरुको प्रतिनिधित्व हुनु अति नै आवश्यक भएको महसुस सबैले गर्दै आएक छन् । सबै नेपालीको लागि केहि गरौं भन्ने स्वच्छ भावनाले उनी आफ्नो व्यक्तिगत, पारिवारिक एवं व्यवसायिक समय र स्रोतको व्यवस्थापन गर्न सक्षम पृष्ठभूमिमा आफू उभिएको जानकारि उनले गराएका छन् ।


स्थापनाकाल देखि वर्तमानसम्म एन आर एन ए जर्मनीको सांगठनिक स्वरूपका पानाहरु पल्टाएर हेर्दा हालसम्म एन आर एन ए जर्मनीमा ”दलिय सहमति” प्रचलित भाषामा भन्नु पर्दा ”राजनैतिक सिन्डिकेट” रहँदै आएको जगजाहेर नै छ । त्यसकै कारणव् आम जनमानसमा एन आर एन ए र यसको अभियानप्रति सबैको समान सहभागिता ईच्छा र संलग्नता हुन सकेको छैन । यो उनले जायज भनेका छन् ।

सबै भन्दा राम्रो पक्ष के छ भने उनले राजनितिक र गैह्र राजनितिक क्षेत्रका ब्यक्तिहरुलाई एकैमञ्चमा उभ्याउन, नेपालको हितमा लगाउन चाहेका छन् । एनआरएनए जर्मनीले विगतदेखि वर्तमानसम्म चालेका असल कामहरु मध्येपनि धेरै त राजनैतिक खिचातानीका कारण सँधै ओझेलमा पर्दै आएको उनको बुझाई छ । संस्थाको पारदर्शिता र संस्थागत प्रक्रियाप्रति कार्यसमिति भित्रै पनि भिन्न मतहरुका कारण असहज परिस्थिति उत्पन्न भएको हामी सबैलाई अवगत भएको पनि उनले उल्लेख गरेका छन् । तर उनले समग्रमा एनआरएनए प्रति सद्भाव, माया र आकर्षणनै बढाउने कोसिस गरेका छन् । 



सुवेदी भन्छन, 

एनआरएनलाई राजनीति प्रभावबाट मुक्त पार्ने मेरो प्रयास रहनेछ ।

राजनीतिको नाममा विगतमा मैले धेरै त्याग गरेको हो, सहमतिको नाममा सधैं राम्रा मान्छेलाई पछाडी पारीयो । 

एनआरएनए जर्मनीलाई सबै वर्ग र समुदायको साझा संस्थाको रुपमा स्थापित गर्नेछु ।

“नेपालीका लागि नेपाली” भन्ने संस्थाको मूल उद्देश्यलाई ब्यवहारिक रुपमा गृहकार्य गर्नेछु ।

समाजका हरेक क्रियाकलापमा सद्भावसहितकोअभिभावकत्व प्रदान गर्दै एनआरएनए जर्मनीलाई सुख : दुको साथी बनाउन।

 सबैखालका संस्थागत पारदर्शितालाई पहिलो प्राथमिकता दिनेछु ।

हाम्रो संस्था एनआरएनएका सम्पूर्ण कार्यपद्दति विधानसंगत र सामुहिक जिम्मेवारी बहन गर्ने विधिको विकास गर्नेछु ।

पुराना र नयाँ पुस्ताबिच सम्पर्क र सहकार्य गर्दै नयाँपिंढीलाई अभिभावकत्व प्रदान गर्नेमा म लाग्नेछु । 

नेपाली सस्कृतीलाई युरोपमा पनी बढावा दिने कार्यमा म लागिरहनेछु । इुरोपमा हुर्कदै गरेका नेपाली बालबालिकाहरुलाई क्षेत्रिय, स्थानिय स्तरमा नेपाली भाषा, संस्कृतिसम्बन्धि सामाजिक शिक्षा संचालन गर्ने मेरो योजना छ ।

नेपाली कला र सांस्कृतिक पहिचानसहितको पर्यटन प्रवर्द्दनको लागि जर्मनीका विभिन्न शहरहरुमा नगरस्तरीय कार्यक्रमहरु आयोजना गर्नेछु । 

एनआरएनए जर्मनीलाई यहाँ रहेका सबै नेपालीको साथी हो भन्ने महसुस गराउनेछु । 

यहाँ बसोबार गर्ने दिदीबैनी, दाजुभाइहरुलाई समस्या परेका खण्डमा तत्काल सहयोग गर्ने र सम्पर्कको लागि आपतकालिन नम्बर सहितको व्यवस्था लागु गर्नेछु । 

आउपेयरमा आउने चेलीहरुलाई समस्या पर्न नदिने र परेको खण्डमा तत्काल समाधान गर्ने मेरो योजना छ । 

युरोपका अन्य देशमा मानवतस्करी भैरहेका घटनाहरु सुनिएका छन, त्यसलाई निरुत्साहित गर्नेमा मेरो पाइला अघि बढ्नेछ । 

देशबिदेशमा संघर्षशीलहरुमा थप उद्दमशीलताको लागि पहल गर्नेछु ।

जर्मनीमा रहेका राष्ट्रिय अन्तर्रा्ष्ट्रिय संघसंस्थाहरुसंग सहकार्य गर्दै नेपाल र नेपालीका हितका निम्ति कार्यक्रमहरु ल्याउनेछु ।

नेपाल र नेपालीहरुका विभिन्न विषयमा ज्ञान हासिल गरेका, नेपाललाई कार्यक्षेत्र र कर्मक्षेत्र बनाएका जर्मन नागरिकहरुको खोजि गरि तिनको सिप र अध्ययनलाई नेपालको हितमा सदुपयोग गर्ने अभियानमा अघी बढ्नेछु । 

एनआरएनए जर्मनीलाई समयअनुकूल परिचालन गरि प्रशासनिक ढंगलेपनि सबल बनाउनुपर्ने भएकाले यो संस्थालाई सबैका माझ स्थापित र सक्रिय बनाउन एनआरएनए जर्मनीको एकसचिवालय स्थापना गर्नेछु ।

नेपालमा घट्ने अप्रत्याशित घटना र बिपत्तीका बेला जर्मनीका प्रमुख शहरहरुमा तत्कालै समितिहरु निर्माण गरि सहयोगका अभियान सञ्चालन गर्छु ।

एनआरएनएको केन्द्रियस्तरमा हुनेछलफल, निति, योजना र संलग्नताका विषयमा राष्ट्रिय समन्यव परिषदका तर्फबाटपनि सक्रिय सहभागिता र संलग्नताको स्थानका लागि आवाज उठाउन, पहल हुनेछ ।

हरेक योजना, काम, कार्याविधीहरु तयार गर्दा बृहद छलफल, साझेदारी र सहमतिका आधारमा अगाडि बढ्नेछु ।


जर्मनीमा रहेका अन्य सामाजिक संस्थाहरुको काम र कर्तब्य र क्रियाकलापलाई सहर्ष स्विकार गर्दै तिनलाई पनि एनआरएनएको तर्फबाट सहयोग गरी तिनिहरुको संलग्नता जनाई सबै संघसंस्थाको साझा संस्थाकारुपमा एनआरएनए जर्मनीलाई अगाडि बढाउने छु ।


यहाँहरुकै माया, स्नेह, समर्थन, साथ र संगतले यहाँसम्म आइपुगेको छु । नेत्रित्वकालागि तयार मेरो उर्जा भनेकोपनि यहाँहरुनै हुनुहुन्छ । तपाईहरुको त्यो सुझाव र साथबिना यो परदेशी भूमिमा समाजकालागि सामूहिक योगदान पुर्याउन मुस्किल पर्छ । त्यसैले फेरिपनि एनआरएनए जर्मनीमा उदाहरणीय रुपमा प्रस्तुत हुन आफ्नो क्षमता र दक्षताका साथ सबैको साझा नेतृत्व गर्ने बिश्वास दिलाउँछु ।


उनीसँग गरेको कुराकानीको भिडियो