कोइरालाको स्वास्थ्य अझै गम्भीर,चिकित्सक भन्छन् -'यसै भन्न सकिन्न्'

Posted on: July 06, 2016 | views: 497

काठमाडौं,असार २२। निमोनियाबाट ग्रसित भएर अस्पताल भर्ना भएका कांग्रेस महामन्त्री शशांक कोइरालाको स्थिति गम्भीर बन्दै गएको अस्पतालले जनाएको छ ।  कोइरालाको अवस्थामा अपेक्षाकृत सुधार नआएको तथा अझ गम्भीर रहेको डाक्टरहरुले दिउसो ३ बजे गरेको पत्रकार सम्मेलनमा जनाइएको छ । डा लव जोशीले जानकारी दिए अनुसार एसै भन्दा नसकिने र बिहानको भन्दा लिभर र किट्नीको अवस्था झन बिग्रिएको बताएका छन् । लाइफ सपोर्टमा राखिएको डा जोशीले बताए । फोक्सोमा हावाबाहेक केही नजानुपर्ने भए पनि सर्केको खानाको तत्व कोइरालाको फोक्सोमा पुगेको छ । “फोक्सोमा हावाबाहेक केही नजानुपर्ने हो,” डा। जोशीले भने,“तर खाना सर्केपछि केही तत्व फोक्सोमा पुगेको छ । त्यसको इन्फेक्सन फोक्सोमा देखिएको छ । फोक्सोको निमोनिया पनि छ ।”


उनले कोइरालाको स्वास्थ्य उपचारमा १५ जना चिकित्सकको टोली सक्रिय रहेको जानकारी गराउँदै परिवारले चाहेमा बाहिर लैजान सक्ने बताए । तर विदेश लैजाने अवस्था नरहेको पनि उनले बताए । “विदेश लैजान सक्ने अवस्था छैन,” उनले भने,“यहाँबाट विमानस्थलसम्म र उताको विमानस्थलबाट अस्पतालसम्म लैजान सकिने अवस्था छैन । यसको जिम्मेबारी हामीले लिन सक्ने अवस्था छैन ।”


थप उपचारका लागि भारतबाट विशेषज्ञ चिकित्सकको टोली बोलाउने तयारी भएको छ ।  अस्पतालको आइसियु कक्षमा राखेर उपचार गराइरहेका कोइरालालाई तत्कालै आस्पतालबाट बाहिर लैजान चिकित्सकहरुले नमानेपछि भारतबाट विज्ञहरुको टोली बोलाउन लागिएको हो ।   बिगत १५ वर्षदेखि रक्तचाप नियन्त्रण गर्ने औषधिको प्रयोग गरीरहेको पारिवारीक स्रोतले जनाएको छ ।