सार्वजनिक विदाको सूचीबाट क्रिसमसलाई हटाइयो, २०७४ सालमा कति दिन विदा ?

Posted on: March 15, 2017 | views: 656
काठमाडौं, २ चैत । सरकारले ‘क्रिसमस डे’ लाई सार्वजनिक विदाको सूचीबाट हटाएको छ । मंगलबार राजपत्रमा प्रकाशित विदा सम्बन्धी मन्त्रि परिषदको निर्णयमा ‘क्रिसमस डे’ उल्लेख छैन् । २०६२–०६३ को जनआन्दोलन पछि जनमत विपरित ९० प्रतिशत हिन्दू धर्मावलम्बी रहेको नेपाललाई राता रात धर्म्निरपेक्ष घोषणा गर्दा क्रिश्चियन धर्मावलम्वीको पर्व ‘क्रिसमस डे’ मा सार्वजनिक विदा प्रचलन सुरु भएको थियो । राष्ट्र निर्माता पृथ्वीनारायण शाहको जन्म जयन्तीमा मनाइने राष्ट्रिय एकता दिवसलाई विदाको सूचीबाट हटाइएको थियो । पृथ्वी जयन्ती हटाइएको १० वर्ष पछि पुष्पकमल दाहाल नेतृत्वको सरकारले पुन: विदाको सूचीमा समावेश गरेको हो । अब आउादो वर्ष (पुस २७ गते)देखि पृथ्वी जयन्तीमा सार्वजनिक विदा दिइने छ । आउदो वर्ष (२०७४ साल) पूर्व निर्धा्रित सार्वजनिक विदा ५२ दिन रहेको छ ।