नुवाकोटमा पनि पत्रकार सदस्यता विवाद चुलियो अधिवेशन नै प्रभावित हुने संकेत

Posted on: February 17, 2017 | views: 395

६ फागुन, नुवाकोट । नेपाल पत्रकार महासंघ जिल्ला शाखा नुवाकोटको सदस्ष्ता स्विकृतिका लागि केन्द्रिय समितिले देखाएको उदाशिनताको विषयमा विभिन्न पत्रकार सम्वद्ध संगठनहरुले आपत्ति जनाएका छन् ।
    पत्रकार महासंघ केन्द्रीय समिति र नेपाल प्रेस युनियन केन्द्रीय समिति वीच आज काटमाठौंमा भएको सहमतिले श्रमजिवी पत्रकारहरुलाई संस्थाको सदस्यता लिने प्रक्रियाबाट विमुख गराएको भन्दै आपत्ति जनाएका हुन् ।
नयाँ सदस्यता र सदस्यता नविकरणको लागि विधानमा गरिएको व्यवस्था अनुसार २०७३ मंसिर १३ मा नेपाल पत्रकार महासंघ केन्द्रीय कार्यसमितिमा आवेदन दिई तोकिएको समय फागुन १७ गते जिल्ला अधिवेशनको सम्पूर्ण तयारी पूरा भइसकेको जनाएको छ । तर काडमाडौंमा भएको सहमतिमा  नुवाकोटलाई विवादित जिल्लाको रुपमा राखी सदस्यता स्वीकृत नगर्नुलाई पत्रकारहरुको संगठनले आपत्तिपूर्ण रुपमा लिएको छ ।
संयुक्त रुपमा जारी गरिएको विज्ञप्तीमा नेपाल प्रेस युनियनका पुर्व केन्द्रिय सदस्य शिव देवकोटा, पत्रकार महासंघ नुवाकोटको पुर्न अध्यक्ष राजुमित्र खनाल, प्रेस युनियन नुवाकोटका अध्यक्ष किरणप्रसाद अधिकारी, प्रेस चौतारी नुवाकोटका अध्यक्ष भोलाराज पौडेल, प्रेस सोसाइटीका केन्द्रिय सदस्य कपिलदेव खनालले हस्ताक्षर गर्नुभएको छ । माओवादी केन्द निकाटका पत्रकारहरुको संगठनले भने विज्ञप्तीमा हस्ताक्षर गरेको छैन ।
जिल्लाको सम्पूर्ण संघसंगठनको सहमतिको आधारमा जिल्ला कार्यसमितिले गरेको सिफारिस अनुसार नविकरण गरिएका ५९ र नयाँ ७८ गरी कूल १३७ जना सदस्यहरु नै नेपाल पत्रकार महासंघ नुवाकोटको सदस्य रहनुपर्ने उनीहरुको माग रहेको छ ।
उनीहरुले आफ्नो जिल्लामा विवाद नरहेको जनाएपनि जिल्लामा रहेका क्रियाशिल पत्रकारहरुले भने आपत्ति जनाएका छन् । जिल्लामा रहेका ठूला राजनीति दलको भातृृ संगठनको रुपमा रहेका संगठनहरुले एक पक्षीय रुपमा सदस्यता पठाएको भन्दै समस्या आएको प्रेस सेन्टर नुवाकोटका अध्यक्ष रामहरि गजुरेलले बताउनुभएको छ । क्रियाशिल पत्रकारहरुलाई सदस्यता दिनुको सट्टा महासंघ कब्जा गर्ने उद्देष्यले पार्टीगत रुपमा भागबण्डा गरेकाले नुवाकोटमा समस्या आएको गजुरेलले बतए । “नुवाकोटमाा क्रियाशिल पत्रकार २० देखि २५ जना जति मात्र रहेका छन् । ” उनले भने “अहिले एक सय १३ जना पत्रकार बनाइने दलका कार्यकर्ता राखेर पत्रकारित पेशा नै बदनाम बनाइएको प्रति आपत्ति रहेको छ ।”
प्रदेश नम्बर ३ अन्तरगत रहेको नुवाकोटमा अधिवेशन फागुन १७ गते आयोजना गरिएको छ । आसन्न अध्यक्षमा वर्तमान अध्यक्ष प्रकाश अधिकारी, उपाध्यक्ष श्रीराम नेपाल र त्रिशूली प्रवाहका प्रकाशक तथा सम्पादक शरण उत्सुक सापकोटा आकंक्षीको रुपमा रहेका छन् । अधिकारी र नेपाल युनियन समर्थित हुन भने सापकोटा प्रेस चौतारी आबद्ध हुन् ।