भिडियो निर्माणमा व्यस्त रोशनले थाले नमस्ते टोकियो टिभी

Posted on: January 30, 2017 | views: 1843

जापान ।
सपना सानै बेलाको सहि तर मनमा अठोट लिएर पाइला चाले सपना बिपनामा फेरिंदै जान्छ । तर यसले समय भने लिनपनि सक्छ । बस, मनमा धैर्यता र संकल्प भने हुनुपर्छ ।

यस्तै सपनालाई संकल्प सम्झेर बिपनामा उतारिरहेका छन् परदेशमा रहेरपनि घरदेशको कला, संस्कृति अनि संगित र मनोरञ्जनलाई पर्दामा उतार्ने काम गरिरहेका रोशन कार्की ।

जापानमा रहेका नेपाली माझ आधा दर्जन म्युजिक भिडियो र केही प्रचारका भिडियो निर्माण एवं फोटोग्राफिबाटै लोकप्रिय बनिरहेका नेपाल कास्की पोखरा घर भएका कार्की भन्छन्-'सबैले विश्वास गरेर भिडियो बनाइदिन अनुरोध गर्नुहुन्छ यसमै खुशी लाग्छ ।'

नेपालमा रहँदा समेत भिडियो निर्माण र निर्देशनमा छायाँमा रहेर काम गरेको अनुभव सँगालेका रोशन भन्छन्-'त्यतिबेला त हिरो बन्छु भनेर लागेर थिएं तर अहिले भिडियो निर्माणमा लागेको छु ।' उस्तै सपनाका बाटाहरु पछ्याइरहेपनि रोशनको मनमा हिरो बन्ने हुटहुटी भने हटिसकेको रहेनछ ।



तत्काल हिरोको रुपमा नदेखिएपनि कुनै बेला सपना साकार पार्ने अठोट सुनाउँदै रोशनले भने-'छिट्टै जापानमा रहेका नेपालीहरुकै कथालाई समेटेर सर्ट मुभि भने बनाउँदै छौं ।'

हिरो भन्ने वित्तिकै सोचिने त्यो रुपको आकर्षले कला क्षेत्रमा होमिएका रोशन अध्ययन भन्दा निरन्तरको कामले खारिएको उनले निर्माण गरेका केही भिडियोले देखाउँछ ।

मलाई एकदुईदिन बढी हैन गरेको कामचाहिँ अरुले हेरेपछि वाह भन्ने होओस् भन्ने लाग्छ त्यसैले मेहतले गरेको काममा सबैले साथ र मन पराएको देख्दा खुशी छु ।




जापानमा व्यवसायिक भिडियोसँगै अन्य भिडियो निर्माणको लागि समेत सम्पर्क गर्न थालेपछि नियमीत कामको रुपमा गर्दै आएका बाहिरि जागिरका काम समेत घटाउन थालेको बताएका रोशन नमस्ते टोकियो टिभीको नाममा युट्युव च्यानल सहित छिट्टै व्यावसायिक रुपमा भिडियो निर्माणको काम थाल्दैछन् ।



परिवारसँगै जापानमा रहँदै आउनुभएका रोशन भन्छन् अहिले गित राम्रो त सबैले खोज्छन् नै सँगै भिडियो पनि उत्तिकै राम्रो भयो पनि सुनमा सुगन्ध हुन्छ ।

त्यसैले राम्रो गितको लागि उत्कृष्ठ भिडियो निर्माण र प्रचारको काम अब नमस्ते टोकियो युट्युव च्यानल मार्फत थालनी गर्न लागिएको रोशन कार्की बताउँछन् ।