संशोधनको पक्षमा सर्वोच्वको फैसला: संसदको अवरोध हटाउन विपक्षीलाई दबाव

Posted on: January 02, 2017 | views: 369

काठमाडौं,पुस १८ । संविधान संशोधनको विरुद्धमा परेको रिटमा सर्वोच्व अदालतले संविधान संशोधनका पक्षमा उभिएको छ । सोमबार प्रध्यानन्यायधिश सुशिला कार्की र न्यायाधीश इश्रप्रसाद खतिवडाको संयुक्त इजलासले रिटमा अन्तरिम आदेश नगरेपछि सरकारलाई बाटो खुलेको छ भने संसदको अवरोध हटाउन विपक्षीलाई दबाव परेको छ ।

यो फैसला सँगै प्रमुख विपक्षी दल नेकपा एमालेले संशोधन संविधान विपरित भन्दै सदनमा गरिरहेको गत्यारोधमाथि नैतिक प्रश्न खडा भएको छ । यसअघि रकारले संविधान संशोधन विधेयक संसदमा दर्ता गरेपछि त्यसविरुद्द सर्वोच्चमा रिट परेको थियो । उक्त निवेदनमा पहिलो सुनुवाई गर्दै न्यायाधीश जगदीशप्रसाद शर्माको एकल इजलासले कुन प्रयोजनका लागि संविधान संशोधन प्रस्ताव दर्ता गरेको हो भन्दै जवाफ मागेको थियो । सरकारले गत मंसिर १४ गते मधेसलाई सम्बोधन गर्ने गरी संविधान संशोधन विधेयक संसद्मा दर्ता गराएको थियो । त्यो विधेयकको विरोध गर्दै एमालेलगायतका विपक्षीहरुले निरन्तर अवरोध गरेका कारण अहिलेसम्म विधेयक संसद्मा प्रवेश गर्न पाएको छैन।