युवा संघ रुपन्देहीका अध्यक्षको गोली हानी हत्या, आन्दोलन झनै चर्किने संकेत

Posted on: December 19, 2016 | views: 367

काठमाडौं,पुस ४ । नेकपा एमाले निकट युवा संघ रुपन्देहीका अध्यक्ष दुर्गा तिवारीको गोली हानी हत्या भएको छ । अज्ञात समूहको गोली लागेका युवासंघ जिल्ला अध्यक्ष दुर्गा तिवारीको उपचारको क्रममा निधन भएको हो ।

देवदहमा ईट्टा व्यवसाय सञ्चालन गर्दै आएका तिवारीमाथि रातो पल्सर मोटरसाइकलमा चढेका दुईजना व्यक्तिले  दिउँसो साढे तीन बजे देवदह ८ कोलीय बचत तथा सहकारी संस्थादेखि १ सय मिटर दक्षिणमा गोली प्रहार भएको प्रहरीले जनाएको छ । दायाँतर्फ पछाडिबाट हानिएको गोली छातीको अगाडि बायाँतर्फबाट बाहिर निस्किएको प्रहरीले जनाएको छ।

अज्ञात समूहले गोली प्रहार गरेपछि अस्पताल पुर्‍याइएको थियो । घटनापछि स्थानीय अरू युवाहरूलाई समेत प्राईभेट नम्बरबाट फोनगरी मनोज पुन भन्ने व्यक्तिले धम्की दिने गरेको स्थानीयले जनाएका छन्। गोली प्रहार पछि देवदहवासी त्रसित बनेका छन्। ५ नम्बर प्रदेश टुक्राउन नहुने माग गर्दै एमालेको नेतृत्वमा संविधान संसोधन विरुद्धको आन्दोलन चलिरहेको समयमा एमाले भातृ संगठनका जिल्ला नेता मारिएपछि तनाव बढ्ने संकेत देखिएको छ ।