भूकम्पले कास्कीमा एक घर भत्कियो (अपडेट)

Posted on: November 28, 2016 | views: 512

पोखरा,मंसिर १३ । लामो समयपछि सोमवार विहान ५ बजेर २० मिनेटमा गएको भूकम्पले कास्कीको लेखनाथमा एक घर भत्किएको छ । भूकम्प मापन केन्द्रका अनुसार रामेछाप र सोलुखुम्बु जिल्लाको सिमाना केन्द्र भएर ६ रेक्टर स्केलको भूकम्प गएको हो ।

भूकप्पले कास्कीको लेखनाथमा एक घर भत्किएको छ । लेखनाथका रुद्रमोहन भट्टराईको पुरानो घर भूकम्पले भत्किएको स्थानीयले जानकारी दिएका छन् ।

भूकम्पले कास्कीमा अझै बढी क्षति भएको आँकलन गरिएपनि क्षतिको विवरण प्राप्त हुन बाँकी छ ।

कास्कीको उत्तरपूर्वी भूभागमा भूकम्पको महसुस बढी गरिएको स्थानीय नागरिकले बताएका छन् । भूकम्पको क्षतिको विवरण प्राप्त नभएको कास्की प्रहरीले जनाएको छ ।