रामेछाप र सोलुखुम्बुको सीमालार्इ केन्द्र बनाएर ५.६ रेक्टरको भूकम्प

Posted on: November 28, 2016 | views: 579

काठमाडौं,मंसिर १३ । काठमाडौं उपत्यकामा आज बिहान भूकम्पको धक्का महसुस गरिएको छ। भूकम्प मापन केन्द्रका अनुसार बिहान ५ बजेर २० मिनेटमा रामेछाप र सोलुखुम्बु जिल्लाको सिमाना केन्द्र भएर ६ रेक्टर स्केलको भूकम्प गएको हो । केन्द्रले यसअघि भूकम्पको मापन ५.६ रेक्टर स्केल भएको जनाएको थियो ।

बिहानै ठूलो भूकम्पको धक्का महशुस गरेपछि निन्द्रामै रहेका अधिकाशं नागरिकहरु घरबाहिर निक्लिएका थिए । पूर्वका जिल्लाहरुमा समेत महशुस गरिएको भूकम्पबाट भएको क्षतिको विवरणहरु आउन बाँकी रहेको छ । भूकम्पले भौतिक संरचनामा सामान्य असर पार्नसक्ने देखिएको छ । आज गएको भूकम्प पनि डेढ बर्षअघि गोरखा वारपाक केन्द्र भएर गएको विनाशकारी भूकम्पको पराकम्प भएको भूकम्प मापन केन्द्रले जनाएको छ ।

भूकम्पको अनुभव काठमाडौं उपत्यकाका तीन जिल्ला, नुवाकोट, रसुवा, धादिंग, गोरखा, तनहुँ, काभ्रेपलाञ्चोक, सिन्धुपाल्चोक, रामेछाप, सोलुखुम्वु, सहित त्यस आसपासका दुई दर्जन बढी जिल्लामा ठूलो अनुभव गरिएको थियो ।