सोलिडारिटी कपको लागि नेपाली टोलीको घोषणा, को-को परे टोलीमा ?

Posted on: October 25, 2016 | views: 232

काठमाडौं,कात्तिक ९ । अखिल नेपाल फुटबल संघ (एन्फा) ले मलेसियामा हुने एएफसी सोलिडारिटी कप फुटबल प्रतियोगिताको लागि २३ सदस्यीय नेपाली राष्ट्रिय टोलीको घोषणा गरिएको छ। । मंगलबार अनिल गुरुङको कप्तानीमा जापानिज मुख्य प्रशिक्षक कोजी ग्योतोकु, प्रशिक्षक राजुकाजी शाक्य र गोलकिपर प्रशिक्षक उज्वल मानन्धरले ३० खेलाडीबाट अन्तिम २३ सदसिय नेपाली टोलीको घोषणा गरेका हुन् । 

टोलीमा ८ डिफेन्डर, ६ मिडफिल्डर, ६ फरवार्ड र ३ गोलकिपर छन् । प्रारम्भिक टोलीमा रहेका गोलरक्षक एलन न्यौपाने, मानबहादुर तामाङ, दिनेश राजवंशी, जितेन्द्र कार्की र सुनिल बाल भने अन्तिम टोलीमा अटाएनन्।

यस्तै मिडफिल्डरद्वय सुजल श्रेष्ठ र राजेन्द्र रावलले राष्ट्रिय टीममा कमब्याक गरेका छन्। सोलिडारिटी कपको पहिलो खेलमा समूह ‘ए’ को नेपालले टिमोर लिस्टेसँग खेल्ने छ । एसियाली फुटबल महासंघ एएफसीको आयोजनामा पहिलो पटक हुन लागेको एएफसी सोलिडारिटी कपमा नेपालले पहिलो खेलमा कात्तिक २० गते टिमोर लिस्टेसँग खेल्नेछ । त्यस्तै नेपालले समूह चरणको अन्तिम खेल ब्रुनाईसँग कात्तिक २३ खेल्नेछ ।



सात टोली सहभागी हुने सोलिडारिटी कपको समूह बीमा श्रीलंका, मकाउ, लाओस र मंगोलिया छन् । लिग कम नकाउटका आधारमा हुने प्रतियोगितामा दुई समूहको बिजेता र उपबिजेताले सेमिफाइनलमा स्थान बनाउने छन् ।

एएफसी सोलिडारिटी कप खेल्ने नेपाली टोलीमा परेका खेलाडीहरु


गोलरक्षक : विकेश कुथु, किरण चेम्जोङ, विशाल श्रेष्ठ


डिफेन्डर : रविन श्रेष्ठ, विराज महर्जन, अनन्त तामाङ, दिपक गुरुङ, आदित्य चौधरी, कमल श्रेष्ठ, देवेन्द्र तामाङ, रन्जित धिमाल


मिडफिल्डर : विशाल राई, हेमन गुरुङ, विक्रम लामा, अन्जन विष्ट, सुजल श्रेष्ठ, राजेन्द्र रावल


फरवार्ड : विमल घर्ती मगर, अनिल गुरुङ, नवयुग श्रेष्ठ, रन्जन विष्ट, सुमन लामा, भरत खवास


मुख्य प्रशिक्षक : गोतुकु कोजी


प्रशिक्षक : राजुकाजी शाक्य


गोलकिपिङ प्रशिक्षक : उज्वल मानन्धर