मलेसियामा बेपत्ता भएका नेपाली मृत फेला

Posted on: September 26, 2016 | views: 484

क्वालालम्पुर ।
बैदेशिक रोजगारीका लागि मलेसिया आएका एक नेपाली बेपत्ता भएको २८ दिनपछि मृत फेला परेका छन् ।

नेपाल सुर्खेत काफलकोट गाविस वडा नम्बर ३ घर भएका डिल्लीराज बुढा मृत अवस्थामा निलाइको वन्दरवारु विपिएमको जंगलमा फेला परेको हो ।

मृतक बुढा मलेसियाको निलाईमा रहेको एक इलेट्रोनिक्स कम्पनीमा कार्यरत थिए । शव चिन्न मुश्किल हुने अवस्थामा फेला परेको बुढाको शव मोवाइल, पैसा, साँचो लगायत शवसँगै भेटिएका बस्तुका आधारमा चिनिएको हो ।

मृतकको शव सेरेम्वान अस्पतालमा राखिएको र पोष्टमार्टम गरिएको छ । बुढासँगै एउटै कम्पनीमा कार्यरत नेपाली तथा विभिन्न संघसंस्थाको पहलमा उनको शव नेपाल पठाउने तयारी भइरहेको छ ।

उनको मृत्युको कारण खुल्न सकेको छैन । मृत्यु हत्या वा आत्महत्या बारे प्रहरीले अनुसन्धान थालेको छ ।

मलेसिया खाडी मुलुकहरुमा सबैभन्दा असुरक्षित देशको रुपमा चिनिन्छ । बर्षेनि मलेसियामा ५ सय बढी नेपालीको मृत्यु हुने गरेको अनुमान छ ।