घाटा भएपनि जिविकोको लागि चोयाँको काम गर्नेहरु पेशा अपनाउँदै

Posted on: September 16, 2016 | views: 262

३१ भदौ, सल्यान ।
सल्यानमा चोयाँका विभिन्न सामाग्रि बनाएर बेच्नेहरु समस्यामा पर्न थालेका छन् । प्लाष्टीककाको बढ्दो प्रयोग संगै चोँयाबाट घरायसि प्रयोगमा आउने सामान बनाएर बेच्नेहरुको पेशा संकटमा पर्न थालेको हो ।

बाँसका चोयाबाट डोको, भकारी, थुन्से, डाली, नाङ्ला बनाउने गरेका धेरैजनाले पेशा छाड्नुपर्ने अवस्था आएको गुनासो गरेका छन् ।  चोयाका सामानहरुको ठाउँमा प्लास्टिकको सामान प्रयोग हुन थालेपछि र कम दुःख र सस्तो शुल्कमा समेत प्लाष्टीकका सामान पाइने भएकाले चोयाँका सामानको माग घद्दो क्रममा छ ।

तर पनि जिल्लामा अझै यसै पेशामा संघर्ष गर्नेहरु पनि रहेका छन् । हिजो आज पनि सल्यान घाँजरीपिपल वडा न २ का जुद्ध बहादुर डाँगीले बासँबाट निमार्ण हुृने विभिन्न सामाग्री निमार्ण गरी मनग्य आम्दानी गर्दै आउनुभएको छ ।

उहाँले प्लाष्टीकका सामानले आफ्नो पेशालाइ धरापमा पारेको भए पनि आफ्नो क्षेत्रमा यो पेशाबाट हातै धुनुपर्ने अवस्था अझै नआएको बताउनुभएको छ । बाँसबाट निमार्ण गरेका सामाग्री धेरै टिक्ने र आर्कषक समेत हुने भएकाले बाँसका सामाग्रिको महत्व निकै रहेको उहाँले जनाउनुभयो ।

उहाँले बाँसबाट निमार्ण हुने छिटनी, झापी, पुजा सामाग्री राख्ने टोकरी, डोको, अन्न राख्ने भकारी लगायतका सामाग्री निमार्ण गरेर आम्दानी गर्दै आउनुभएको छ । ६५ वर्षीय डाँगीले मासिक १५ देखि २० हजारसम्म आम्दानी गर्दै आउनुभएको छ ।

गाँउबाट एक घनाको ३०० का दरले बाँस किनेर पनि विभिन्न सामाग्री निमार्णबाट राम्रै आम्दानी भईरहेको डाँगीले बताउनुभयो ।