जापानमा निधन भएका रमेश तस्विर र भिडियोमा

Posted on: August 16, 2016 | views: 22868

टोकियो ।
राम्रो मान्छेलाई दैवले लान्छन् भनेको हो रहेछ सिन्धुलीका रमेश तामाङको असामयिक निधनपछि टपनेपालन्युजसँग कुरागर्दै उनका एक मित्रले भने-'साथीहरुसँग सँधै रमाइलो गर्न खप्पीस उ कहिल्यै रिसाउँदैनथियो ।'

दुई वर्ष अघि मात्र अध्ययनका लागि जापान आएका रमेशको सोमबार बिहान उपचारको क्रममा अस्पतालमा निधन भएको खवर आयो । उनको निधनको खवरले परिवारजन र आफन्तसँगै उनका साथीसँगीहरुपनि स्तब्ध भए ।

दुईदिन अघिसम्म सबैसँग रमाइलो गरिरहेका रमेशको निधन नजिकका चिनेजानेकालाई अपत्यारिलो त लाग्ने भयो नै जापानमा रहेका नेपालीहरुलाई समेत एक नेपाली युवाको आकस्मिक निधनले स्तव्ध बनायो ।

'रमेश दाई सारै मजाको हुनुहुन्थ्यो' रमेशले साथिहरुसँग खिचेको सेल्फि फोटो म्यासेन्जरमा दिंदै नेपाली विद्यार्थी सृजनाले भनिन्-'मलाई त उहाँको मृत्यु भएको भनेर पत्यारै लागेको छैन ।'

टोकियो ईकेवुकुरो स्थित नागाईसिमा अस्पतालमा भर्ना भएका २२ वर्षिय तामाङको उपचारका क्रममा निधनको खवर पढेपछि सँगै अध्ययन गरेका उनका साथी किरणले यु ट्युवमा राखिएको यो भिडियो उपलब्ध गराउँदै भन्नुभयो-'गितार बजार सारै सिपालु थियो । सँधै रमाइलो गर्न खप्पीस रमेश एकदम मिल्ने मान्छे थियो । समाचार थाहा पाउँदा सारै दुख लाग्यो ।'

उच्च रक्तचापका कारण मृत्यु भएको बताइएका रमेशको शवलाई परिवारको आग्रहपछि नेपाल पठाउने तयारी भइरहेको छ ।

सोमवार विहान ६ वजेर ३० मिनेटको समयमा निधन भएका रमेश पढेर परिवारको जिम्मेवारी सम्हाल्ने सपना बोकेर जापान आएका थिए ।

परिवारको जिम्मेवारी सम्हाल्ने समयमा आइपुग्दा अकस्मात निधन हुन पुगेका रमेशको निधनले उनका परिवारजन शोकमा परेका छन् । आइतबार साँझको खाना खाएर सुतेपछि फेरी कहिल्यै नउठ्नेगरि सुतेका रमेशको शव नेपाल लैजान लाखौं रुपैयाँ लाग्ने भन्दै विभिन्न संघसंस्थाहरुले सहयोग उठाइरहेका छन् । कामना गरौं उनको आत्माले शान्ति पाउनेछ र परिवारजनले मृत्युपछि भएपनि आफ्ना सन्तानको अनुहार हेर्ने ईच्छा पुरा हुनेछ ।
अलबिदा रमेश तामाङ ।