फोटो कथामा फिल्म ‘द विनर’

Posted on: August 14, 2016 | views: 490

काठमाण्डौ ।
यस बर्षको प्रतिक्षित चलचित्रको रुपमा सर्बत्र चर्चामा रहेको ‘द विनर’को ट्रेलर पछिल्लो समय चर्चामा छ । टिजर र ट्रेलरकै कारण फिल्म प्रतिक्षित बनेको हो । हलिउड शैलीमा निर्माण गरिएको हुनाले दर्शक तथा चलचित्रकर्मी स्वयम् पनि चलचित्रको पर्खाईमा छन् ।

अष्ट्रेलिया,दुबई र नेपालमा चलचित्रको छाँयाकन गरिएको हुनाले पनि फिल्मको लागत अन्य फिल्मको तुलनामा बढी हुनु स्वभाविक नै हो । निर्माण पक्षले ठुलो रकमको जोखिम मोल्दै यस किसिमको चलचित्र निर्माण गर्दै गर्दा बलिउड शैलीको ट्याग दिएका छन् ।

नेपाली चलचित्र उद्योगका लागि तीन देशमा छाँयाकन गरिएको चलचित्रको हिसाबले पहिलो चलचित्र बनेको छ । निर्माण पक्षले छाँयाकनका केहि तस्बिर सार्बजनिक गरेका छन् ।

उक्त चलचित्रमा डेब्यु नायक महेशमान श्रेष्ठ,पुर्ब मिस नेपाल मलिना जोशी,रोयल मास्के,मन्चिन शाक्य,गणेश गोदार,राजकुमार पन्त, रेशु तामाङ,अमित गिरी लगायतका कलाकार मुख्य भुमिकामा छन् ।  
एक्सन र थ्रिलर जनरामा निर्मित चलचित्रलाई हिक्मत बिष्टले निर्देशन गरेका हुन् । भने,चलचित्रलाई डायमण्ड स्टार फिल्मसको ब्यानरमा सुबोध ठकुरी,बिकास खरेल,रितेश राणा,सृजना शाहले संयुक्त रुपमा निर्माण गरेका हुन् । फिल्मको रिलिज मिति भने तय भईसकेको छैन । यद्दपी चलचित्रको रेड कार्पेट प्रिमियर अष्ट्रेलियाको सिड्नीमा हुने भएको छ ।

फोटो कथामा ‘द विनर’