नेपाल फेस्टिवल सफल रुपमा सम्पन्न, आयोजकद्धारा सबैलाई धन्यवाद

Posted on: August 08, 2016 | views: 807

गोकर्ण अधिकारी-२४ साउन, टोकियो ।
नेपाल फेस्टिवलको नवौं श्रृंखला जापानमा शनिवार र आईतबार भव्यताका साथ सम्पन्न भएको छ ।

राजधानी टोकियोको योयोगी पार्कमा यही शनिवार र आईतवार आयोजीत फेस्टिवलमा दशौं हजार नेपाली सहित जापानी र अन्य देशका पर्यटकहरुले समेत अवलोकन गरेका छन् ।

फेस्टिवल आयोजक गैरआवासीय नेपाली संघ एनआरएनए जापानका अनुसार करिव २ लाख बढीले फेस्टिवल अवलोकन गरेका छन् ।

जापानको सार्वजनिक विदाको दिन पारेर आयोजना गरिएको फेस्टिवलमा जापानी सञ्चार माध्यमबाट भएको प्रचार प्रसारका कारण जापानी नागरिकहरुको समेत उत्साहजनक सहभागीता रहेको थियो ।

मेलामा सहभागी जापानी सहित अन्य देशका पर्यटकहरुले समेत नेपाल बारे रुची पूर्वक जानकारी लिनुका साथै नेपाली गित संगितमा रमाउनुका साथै नेपाली परिकारहरु खाएका थिए ।

नेपाली भेषभुसा, नेपाली पहिचान झल्कने साँस्कृतिक कार्यक्रमका बिच चलेको फेस्टिवलमा पाँच करोड बढीको कारोबार भएको बताइएको छ ।

फेस्टिवल स्थलमा नेपाली खानाका साथै नेपाली पहिरन, हस्तकलाका सामान लगायतको विक्रि तथा प्रदर्शनी स्टल राखिएको थियो । साथै जापानमा रहेका विभिन्न नेपाली कम्पनी तथा सेवा प्रदायक संघ संस्थाहरुले आफ्नो स्टल राखेका थिए ।

फेस्टिवलमा २२ वटा नेपाली खानाका स्टल तथा ३० वटा सेवा प्रदायक कम्पनीहरुले सहभागीता जनाएका थिए ।

यसैबिच गैर आवासिय नेपाली संघ जापानका अध्यक्ष तथा नेपाल फेस्टिवल मूल आयोजक समितिका संयोजक सुदन थापाले सामाजिक सञ्जाल फेसबुक मार्फत फेस्टिवल सफल पार्न सहयोग गर्नुहुने सबैमा धन्यवाद दिनुभएको छ ।

अध्यक्ष थापा सहित गैर आवसिय नेपाली संघ जापानका उपाध्यक्ष थासि लामा, महासचिव अनुज थापा, सचिव बुद्धिराज भण्डारी, केन्द्रिय सदस्य प्रल्हादसिंह महत, एनआरएन जापानका सल्लाहकार तथा फेस्टिवल सफल पार्न जापानी सञ्चार माध्यम तथा नेपाली सञ्चार माध्यम र सामाजिक सञ्चाल मार्फत प्रचार प्रसारमा उल्लेखनिय योगदान गर्नुभएका जिज्ञान कुमार थापा लगायतले फेस्टिवल सफल पार्न सहयोग गर्नुहुने सबैलाई धन्यवाद दिनुभएको छ ।