तालमा परिणत हुदै सुन्दरनगर बस्ती : सुन्दरनगरको ६० बिघाह जग्गा डुवानमा

Posted on: July 07, 2016 | views: 410

पप्पु गुरुङ्, दोधारा चाँदनी, २२ असार । दोधारा चाँदनीको ६० बिघा भन्दा बढी जग्गाा डुवानमा परेको छ् । उक्त स्थानमा लगाईएको धान, परवल, रातलु तथा मकै वाली डुबेको छ् । सिमावर्ती भारतिय क्षेत्रमा पर्ने बाईसपुलबाट आएको पानीले दोधारा चाँदनी नगरपालिका वडा नं. ८, सुन्दरनगरमा रहेको ६० बिघाह भन्दा बढी जग्गालाई तालमा परिणत गर्न थालेको स्थानिय सुरज खड्काले बताउनु भएको छ् । शिला खड्का, पदम बहादुर खड्का, धन बहादुर रोकाया, राम बहादुर रोकाया, सुरज खड्का लगाएत ६५ भन्दा बढी कृषकको लगाईएको धान, परवल, रातलु तथा मकै वाली डुबान गरेर तालमा परिणत गर्न थालेको उनिहरुको भनाई रहेको छ् । सरकारले पानीको निकास तत्काल गर्न नसके हाम्रो खेतवारी तालमा परिणत  हुने प्रवल सम्भावना बढेको स्थानियहरुको भनाई रहेको छ् । “बन्दै गरेको ताललाई जगबुडा नदीमा निकासा गर्नु आवश्यक छ” स्थानिय शिला खड्काले बताउनु भयो । यदि समयमा सरकारले आएको पानीलाई निकासाको ब्यवस्था नगरे सुन्दरनगर बस्ती तालमा परिणत हुने खतरा बढेको स्थानिय जानकारहरु बताउछन् ।