जोखिम पुर्ण किस्तीकै भरमा कुतियाकबरका वालवालिका

Posted on: July 04, 2016 | views: 356

पप्पु गुरुङ् /निर्मल गिरी, २० असार /कञ्चनपुर । कञ्चनपुरको दोधारा चाँदनी नगरपालिकाको कुतियाकबरका बासिन्दाहरुले नदीको कारण आफ्ना वालवालिकाहरुलाई बिद्यालय पठाउन समस्या पर्दै आएको छ् । जोगबुडा नदीमा पुल नभएको कारण ओहरदोहर गर्न वालवालिकाहरु दैनिक जोखिम पुर्ण डुङ्गा ( किस्ती ) को सहारा लिनु पर्ने बाध्यता रहेको छ् । कुतियाकबरका स्थानियहरुले स्थानिय जगबुडा नदी ओहरदोहर गर्न प्रति ब्यक्ती रु. ८ तिर्नु पर्ने भएपनि बिद्यार्थीहरुबाट पैसा नलिने गरेको स्थानिय गग्न खत्रीले बताएका छन् । “नदीमा पुल निमार्ण गरिदिन सबै संग आग्रह गर्‍यौं, कहि कतैबाट पहल हुनसकेन् ” स्थानियबासी गग्न खत्रीले बताए । दैनिक जोखिम पुर्ण डुङ्गा ( किस्ती ) मा यहाँका वालवालिका बिद्यालय जानु पर्ने बाध्यता रहेको खत्रीको भनाई छ् । अहिले दोधारा चाँदनी गाबिसबाट रुपान्तरण भएर नगरपालिका बनिसक्यो । ३६ परिवारबाट अहिले आएर ४५ घरपरिवार भईसक्यो । तर पनि ६० वालवालिकाको दैनिकी आवत जावत जोखिम पुर्ण डुङ्गा ( किस्ती ) नै रहेको छ् । कुतियाकवर क्षेत्रबाट नदी पारिको बिद्यालय श्री ओमकार निमाबि र अम्बिका उच्च माबिमा अध्यन गर्न किस्ती चढेर आउनु पर्ने हुन्छ् । कुतियाकवर क्षेत्रमा ९५ प्रतिशत दलित समुदायका मानिस बसोबास गर्दै आएका छन् । कतिपय वालवालिकाहरुले जोखिम पुर्ण यात्रा किस्तीको समस्याले बिद्यालय छाडेका छन भने कतिपय सिमावर्ती भारतिय क्षेत्रका बिद्यालयमा अध्यन गर्दै आएका छन् । “सरकारले डुङ्गा संचालन गर्न ठेक्का दिन्छ् तर पुल निमार्ण गर्न कहिले वास्ता गरिदिएन्” निर्मला सुनारले भने । झण्डै चार दशक देखि आफु र वालवालिकाहरु नदीको वारी–पारी गर्दै आएको बताए । “डुङ्गा चढ्नुको बिकल्प छैन्” निर्मलाले थपे, – “ बालबालिकालाई बिद्यालय पठाउन गाहे हुने गरेको छ्” नदीमा डुङ्गा संचालन गर्न ठेक्का दिने निकायले झोलुङ्गे पुलको लागी पहल गर्नु पर्ने स्थानियहरुको माँग रहेको छ् । चालु आर्थिक वर्षमा दोधारा चाँदनीले रु. १ लाख ४८ हजारमा जगबुडा नदीमा डुङ्गा संचालनको लागी ठेक्का दिएको हो । “सबै जनाले दिनहु डुङ्गा चढ्न पैसा तिर्न सक्ने अवस्था छैन्” अर्का स्थानिय रिता सुनारले भने । यहाँका अधिकांश ब्यक्तीहरु भरतमा ज्याला मुजुरी गर्न बिकल्प छैन् । “झोलुङ्गे पुल भईदिएको भए, हामीहरुलाई बाच्न सहज हुने थियो” रिता सुनार भनाई रहेको छ् ।