बाढीको कारण दोधारा चाँदनीका १५ घरपरिवार आफन्तको शरणमा

Posted on: July 02, 2016 | views: 550
पप्पु गुरुङ्, १८ असार, दोधारा चाँदनी । दोधारा चाँदनीका १५ घरपरिवार बाढीको कारण हिजो देखि आफन्तको शरणमा बस्दै आएका छन् । बाढीको खतरा बढेपछि दोधारा चाँदनी क्षेत्रका स्थानीय प्रशासनले तटिय क्षेत्रका स्थानियहरु लाई सचेत रहन आग्रह गरेको छ । दोधारा चाँदनी वडा नं. १०, शान्ति टोल, बैतिफाँटा र कुतियाकवर घरहरुमा सुक्रवार देखि घर गोठमा पानी पस्न थालेपछि उनिहरु आफन्तको शरणमा बस्न बाध्य भएको स्थानिय गग्न खत्रीले जानकारी दिएका छन् । महाकाली नदी र जगबुडा नदीको दोभानमा रहेको शान्ति टोल, बैतिफाँटा र कुतियाकवरका करिव १५ घरधुरीमा पानी पस्न थालेपछि स्थानियहरु आतंकित भएर घर छाडेर सुरक्षित आफन्तको घरमा बस्न थालेका हुन् । जगबुडा नदीको पानी ओभरफ्लो भएर नदी गाँउ पस्न थालेपछि दोधारा चाँदनीका शान्ति टोल, बैतिफाँटा र कुतियाकवरका २६ घरधुरी प्रभाबित भएका छन् । उक्त प्रभावित मध्य १५ घरधुरीले घर छाडेर आफन्तको घर सुरक्षित स्थानमा बस्न थालेका हुन् । महाकाली नदीको तिब्र बहाव संगै जगबुडा नदीको बहाव ठोक्कीदा पानी ओभरफ्लो भएर गाँउ भित्रिने संन्त्रासले रातभरी जाग्रम बस्दै आएको स्थानिय गग्न खत्रीले बताएका छन् । नदीको पानी कतिबेला गाँउ भित्रिने हो भन्ने चिन्ताले रातभरी जाग्रम बसेको खत्रीको भनाई रहेको छ् । राती देखि परेको अविरल वर्षाले दोधारा चाँदनीको जनजीवन अस्तब्यस्त बनाएको हो ।