अविरल बर्षाले दोधारा चाँदनीमा बाढीको खतरा

Posted on: July 02, 2016 | views: 2864

पप्पु गुरुङ्, १८ असार, दोधारा चाँदनी । गएराती देखि परेको भीषण वर्षाका जनजिवन प्रभावित बनेको छ । बाढीको खतरा बढेपछि त्यस क्षेत्रमा स्थानीय प्रशासनले सचेत रहन आग्रह गरेको छ । हरेक बर्ष वर्षाको समयमा त्रसित बन्दै आएका दोधारा चाँदनीमा यस बर्ष पनि पीडित बनेका हुन् । दोधारा चाँदनी वडा नं. १०, शान्ति टोल, बैतिफाँटा र कुतियाकवर घरहरुमा हिजो देखि पानी पसेको हो । महाकाली नदी र जगबुडा नदीको दोभानमा रहेको शान्ति टोल, बैतिफाँटा र कुतियाकवरका करिव २६ घरधुरीमा पानी पस्न थालेपछि स्थानियहरु आतंकित बन्न थालेका थिए । गाँउमा पानी पस्न थोपछि नेपाल प्रहरी र सशस्त्र प्रहरीको टोली शान्ति टोल, बैतिफाँटा र कुतियाकवरमा पुगेको थियो । “जगबुडा नदीको पानी बिस्तारै गाउँ पस्दै छ् ” स्थानिय गग्न खत्रीले भने । जगबुडा नदीको पानी ओभरफ्लो भएर नदी गाँउ पस्न थालेपछि दोधारा चाँदनीका शान्ति टोल, बैतिफाँटा र कुतियाकवरका २६ घरधुरी प्रभाबित भएका हुन् । शान्ति टोल, बैतिफाँटा र कुतियाकवरका स्थानियहरु सुरक्षित स्थानमा सर्न थालेको बताईएको छ् । महाकाली नदीको तिब्र बहाव संगै जगबुडा नदीको बहाव ठोक्कीदा पानी ओभरफ्लो भएर गाँउ भित्रिने संन्त्रासले रातभरी जाग्रम बसदै आएको स्थानिय गग्न खत्रीले बताएका छन् । नदीको पानी कतिबेला गाँउ भित्रिने हो भन्ने चिन्ताले रातभरी जाग्रम बसेको खत्रीको भनाई रहेको छ् । महाकाली नदीको बहाव हिजोको दाँजो घटेर ७२ हजार क्युसेक पुगेको छ् । बनबासा बयारेजमा समेत सवारी साधन आवतजावतमा सुचारु ग्रिएको छ् । राती  देखि परेको वर्षाले दोधारा चाँदनीको जनजीवन अस्तब्यस्त बनाएको हो ।