दोधारा चाँदनीको शान्ति टोल, बैतिफाँटा र कुतियाकवर डुवानमा

Posted on: July 01, 2016 | views: 411

पप्पु गुरुङ्, १७ असार, दोधारा चाँदनी । मुलुकभर यसवर्ष बिहीबार देखि मनसुन सक्रिय भए पछि भारी वर्षा सुरु भए पछि दोधारा चाँदनीको शान्ति टोल, बैतिफाँटा र कुतियाकवर टोल डुवानमा परेको छ् । कञ्चनपुरको दोधारा चाँदनी वडा नं. १०, शान्ति टोल, बैतिफाँटा र कुतियाकवर घरधुरी डुवानमा परेको हो । महाकाली नदी र जगबुडा नदीको दोभानमा रहेको शान्ति टोल, बैतिफाँटा र कुतियाकवरका करिव  २६ घरधुरीमा आँगनमा पानी आएको स्थानिय गग्न खत्रीले जानकारी दिनुभएको छ् । “जगबुडा नदीको पानी बिस्तारै गाउँ पस्दै छ् ” स्थानिय गग्न खत्रीले भने । जगबुडा नदीको पानी ओभरफ्लो भएर नदी गाँउ पस्न थालेको बताईएको छ् । शान्ति टोल, बैतिफाँटा र कुतियाकवरका स्थानियहरु सुरक्षित स्थानमा सर्न लागेको खबर प्राप्त भएको छ् । समाचार तयार पारुन्जेल सशस्त्र प्रहरीको टोली उक्त स्थानमा हिडेको छ् । बङ्गालको खाडीबाट प्रवेश गरेको मनसुन र अरब सागरबाट आएको जलवाष्पयुक्त हावा कारण मुलुकभर वर्षा सुरु भएको मौसम पूर्वानुमान महाशाखाले जनाएको छ । यसले गर्दा मुलुकभर अधिकांश स्थानमा हल्का देखि सामान्य वर्षा भई पूर्वी तथा पश्चिमी क्षेत्रका केही स्थानमा भने भारी वर्षा हुने महाशाखाले जनाएको छ । सक्रिय मनसुनका कारण आज दिन भरी वर्षा हुने र अझै केही दिन सम्म वर्षा जारी रहने महाशाखाका वरिष्ठ मौसमविद् सुजन सुवेदीले जानकारी दिनुभयो । भारी वर्षा संगै कृषकहरु समयमै रोपाई हुने आशाले हर्षित देखिएका छन् रोपाई सुरु भएको छ । यद्यपि भारी वर्षाले १५ महिना देखि पाल र अस्थायी टहरामा दिन गुजारी रहेका भूकम्म पीडित जनता भने थप पीडामा पर्नुका साथै पहिरो उच्च जोखिममा परेका छन् ।