'काबुल घटना कायरतापूर्ण,निर्दोष नेपाली मारिए' :प्रधानमन्त्री ओली

Posted on: June 22, 2016 | views: 238

काठमाडौं,असार ८ । प्रधानमन्त्री केपी शर्मा ओलीले अफगानिस्तानमा आतंककारी हमलामा कायरतापूर्ण भएको बताएका छन् । सोमबार मारिएका नेपालीहरुको शव बुझ्न बुधबार त्रिभुवन अन्तराष्ट्रिय विमानस्थल पुगेका प्रधानमन्त्री ओलीले तालिवानको नेपालीसँग कुनै साइनो र द्वेष नरहेको भन्दै निर्दोष मारिएको भन्दै यस्तो घटनालाई कायरतापूर्ण बताएका छन्।

ओलीले ज्यान गुमाएका परिवार र घाइतेहरुलाई सरकारले सहयोग गर्ने प्रतिबद्धता जनाएका छन् । प्रधानमन्त्री ओलीले मृतकका शव राखिएका कफिनमाथि फुल चढाएर श्रद्धान्जलि व्यक्त गरेका थिए । उनले मृतक परिवारजनप्रति समवेदना समेत प्रकट गरे । 

मृतकहरुप्रति श्रद्धाञ्जली अर्पण गर्न विमानस्थलमा प्रधानमन्त्री ओलीसँगै उपप्रधान तथा परराष्ट्रमन्त्री कमल थापा, गृहमन्त्री शक्ति बस्नेत, श्रममन्त्री दिपक बोहोरा, पर्यटनमन्त्री आनन्द पोखरेल र स्थानीय विकास राज्यमन्त्री कुन्ती शाही पनि विमानस्थल पुगेका थिए।