इमान्दारीता र विश्वासघातको कथा नाटक “अवान्तर”

Posted on: June 06, 2016 | views: 398

इमान्दारी, मान्छेको ठूलो दुश्मन हो । यसले भ्रमका देउताहरूसामु आफ्नै बलि माग्छ । कुनै पनि क्षेत्रमा इमान्दारीका साथ आफ्नो कर्म एक चित्त भई गर्नेहरूले नै किन हरेक पटक समस्या भोग्नु पर्छ र ?

किन तिनीहरू प्रति नै यो दुनियाँ औंला ठड्याउँछन् ? कसैको नराम्रो नचिताउनु के अपराध हो र? आफ्नो कला र सिपलाई चुस्त बनाउनु के अपराध हो ? आफ्ना सपना र रहरहरूको पटक पटक आहुति दिएर आफ्नो कर्ममा दत्तचित्त हुनु के पाप हो र? नत्र, यी बन्धन र परिबन्धहरू किन ? यस्तै प्रश्नहरूले जन्माएको हो– नाटक अवान्तर ।

विहिवारबाट काठमाडौँको सुन्धारा काठमाडौँ मलमा अवस्थित थियटर मलमा प्रदर्शन सुरु भएको नाटक अवान्तर पहिलो शोबाट नै दर्शकको मन जित्न सफल बनेको छ । रंगमञ्चमा को दुनियामा रम्न चाहनेहरूको लागि यो नाटक सायद मार्गदर्शन बन्न सक्नेछ ।

राम के.ए.सी. को लेखन, निर्देशन रहेको यस नाटकमा जितेन्द्र खड्का (सिमन),महावीर विश्वकर्मा,केशव रिजाल,कुमार सिम्खडा,एना देउजा,अमृता खनाल,भीष्म जोशी,नेहा पोखरेल,आर.के. तिमल्सिना,परिक्षित बिक्रम राणा,इस्तु कार्की,शंकर भण्डारी, आदिको अभिनय रहेको छ “सपना र यथार्थको अन्तर हामीले बुझेनौं कि बुझ्न चाहेनौं या बुझाउन सकिएन ।


त्यसको खोजको सुरुवात पनि हो, दुनियाँको कथा बाँच्दा बाँच्दै आफ्नै समस्या र पीडालाई प्राथमिकता दिन नसकेका हामी रङ्गकर्मीहरूका समस्याहरूलाई मूलधारमा उनेर इमान्दार पात्रहरू प्रति इतिहासको दृष्टिकोणलाई एक नजर दिने कोसिस गरेको छु, मैले यस नाटक मार्फत् ।” लेखक, निर्देशक राम के.ए.सी.ले वताए ।

डा. व्रतराज आचार्य, मणि थापा र काममा सदैव साथ र सहयोग गर्नुहुने सम्पूर्ण अग्रजहरू, रङ्कर्मी साथीहरू, भाइ बहिनीहरू प्रति विशेष आभार व्यक्त गर्दै के ए सीले यो नाटकले लेख्दा आफ्नो मन, मुटु र जीवनको कथा जस्तो लागेको वताउँछन् ।

भीनमाया प्रजापति (मानन्धर) को भेषभूषा रहेको नाटकमा टीकाभक्त जिरेलको सङ्गीत/कविता वाचन, शिवप्रसाद अधिकारीर रिवाज ब्याण्ड, पाश्र्व सङ्गीत/स्वर। पूर्खाजित राईको मञ्च व्यवस्थापन, सुष्मा कोइराला कोरियोग्राफिरहेको छ भने सुमन कोइरालाको भिडियो,फोटोग्राफिरहेको छ । नाटक आगामी ३२ गतेसम्म साँझ ५:३० वजेबाट (बुधबार बाहेक ) प्रदर्शन हुनेछ । नाटक टिमले आवश्यक सल्लाह सुझाव र प्रतिक्रियाको लागि ९८१३१२१०३४/९८४१५९५९५६ नम्वरमा सिधै सम्पर्क गर्न मिल्ने व्यवस्था मिलाएको बताएको छ ।

News Source:Sulsuleonline