प्रधानमन्त्री ओलीले भने-'हप्काई र तर्साले म तर्सीन्न'

Posted on: June 02, 2016 | views: 408

प्रधानमन्त्री केपी शर्मा ओलीले कसैको हप्काई र तर्साईले नतर्सने बताएका छन् । प्रधानमन्त्री ओलीले सहमतीय राजनीतीकले मात्र देश समृद्धिको बाटोमा अगाडी वढ्ने भएकाले दलहरु संविधान कार्यान्वयन एक भएर लाग्न आग्रह गर्नु भएको छ ।

मानव अधिकार एलाइन्स नेपालले आज राजधानीमा आयोजना गरेको कार्यक्रममा प्रधानमन्त्री वलीले प्रम पद छाड्दा देश र जनताको भलो हुन्छ र समस्या एकाएक सबै हल हुन्छन् भने आफूलाई कुर्सीमोह नभएको बताउनु भयो ।

कार्यक्रममा प्रधानमन्त्री ओलीले अब देश आर्थिक समृद्धिको बाटोमा लम्किन लागेकाले सबैले आ–आफ्नो क्षेत्रबाट सहयोग गर्न आग्रह गर्नु भयो ।

नयाँ संविधानप्रति असन्तुष्टि राखी तराई मधेस केन्द्रित दलले जारी राखेको आन्दोलनप्रति इङ्कित गर्दै प्रम ओलीले केही असन्तुष्टि भए वार्तामा आउन दललाई आग्रह पनि गर्नुभयो ।

कार्यक्रम प्रधानमन्त्री ओलीले सत्ता साझेदार दल नेकपा माओवादी केन्द्रसँग सत्ता हस्तान्तरणसम्बन्धी कुनै सहमति नभएको जानकारी गराउनु भयो ।

कसैले तत्काल प्रधानमन्त्री पद छाड भनेर हप्काउँदै र तर्साउन खोज्दैमा आफु प्रधानमन्त्रीबाट नहट्ने उहाँले दृढता पनि ब्यक्त गर्नुभयो ।