खनिरहेका १७ मजदूर मार्ने सेना सहित शेरबहादुर देउवा बिरुद्ध उजुरी

Posted on: May 27, 2016 | views: 721

१४ जेठ, काठमाडौं ।
बिमानस्थल बनाउने काम गरिरहेका निर्दोश १७ मजदूरलाई विभत्स हत्या काण्डमा उनिहरुका परिवारले तत्कालिन प्रधानमन्त्री रहेका शेरबहादुर देउवा सहित सेना बिरुद्ध उजुरी दर्ता गराएको छ ।

दुर्गम जिल्ला कालिकोटको कोटवाडास्थित निर्माणाधिन विमानस्थलमा नियन्त्रणमा लिएर हत्या गरिएका चेपाङ मजदुरहरुका आफन्तजनहरुले धादिङको शान्ति समितिमा उजूरी दर्ता गराएका हुन् ।

संकटकाल लगाउने तत्कालीन सरकार र त्यसका प्रधानमन्त्री शेरबहादुर देउवा, सेनाका प्रमुख रहेका प्रधानसेनापती रुक्माङ्गत कटुवाल बिरुद्ध समेत उजुरी गरिएको छ ।
 
धादिंग जोगीमाराका मृतक चेपागं परिवारले दउवा र कटवाल सहित तत्कालीन कालिकोट प्रमूख जिल्ला अधिकारी र तत्कालीन कालिकोट स्थित नेपाली सेनाका गणपतीलाई समेत उजूरीमा कारवाहीको भागीदार बनाउन निवेदन दिएका छन् ।

२०५८ फागुन ११ गते सो बिमानस्थल निर्माण कार्य चलिरहँदा सेनाले गरेको अन्धाधुन्द गोली प्रहारमा ३५ जनाको मृत्यु भएको थियो जसमध्ये १७ जना धादिङ जिल्ला स्थित जोगीमारा वडा नम्बर १, ५ र ७ हेकराङ्ग, कोचराङ्गका मजदुर थिए ।
मृत्यु भएका अन्य समेत निर्दोश थिए ।

द्वन्द्वकालमा अछाम सदरमुकाम मंगलसेन आक्रमणपछि भागेर आएका माओवादी लुकेको आशंकामा सेनाको उक्त कारवाही गरेको बताउँदै आएको छ ।

पिडितहरुले यसअघि सर्वोच्च अदालतमा २०५९ जेठ २७ गते उजूरी दर्ता गराए सर्वोच्च अदालतले अझैसम्म मुद्दा किनारा नलगाई अल्झाइ राखेको पिडितहरुले गुनासो गरेका छन् ।

पिडकमाथि कारवाही हुने आशा मर्दै गएपनि पुनस् सत्यनिरुपण तथा मेलमिलाप आयोगमा उजुरी दर्ता गरेका पिडितहरुले थोरै भएनि आरोपित पिडकहरुमाथि कारवाही हुने आशा रहेको बताएका छन् ।