ट्राफिक नियम उलङ्घन शुल्क बढाउँदा चक्काजाम गर्नेखोज्नेलाई गृहको जवाफ

Posted on: May 24, 2016 | views: 332

११ जेठ, काठमाडौं ।

गृह मन्त्रालयले यातायात व्यवस्था ऐनमा कुनै असहमति भए कानुनले निर्धारण गरेको प्रक्रिया अवलम्वन गर्न र विरोधका कार्यक्रम गर्दा संवैधानिक र कानुनी दायराभित्र रहेर गर्न यातायात व्यवशायी तथा यातायात मजदुरलाई आग्रह गरेको छ ।

यही जेष्ठ १३ गते देशव्यापी चक्का जाम गर्ने यातायात व्यवशायी तथा मजदुरको घोषणाप्रति गृह मन्त्रालयको गम्भिर ध्यानाकर्षण भएको र आन्दोलन तथा विरोधका नाममा संविधान र कानुन विपरितका क्रियाकलाप गरे प्रचलित कानुन अनुसार कारबाही हुने हुँदा त्यस प्रकारका गैर कानुनी गतिविधि नगर्न नगराउन सम्बद्ध सबैलाई अनुरोध गरिएको गृह मन्त्रालयका प्रवक्ता यादवप्रसाद कोइरालाले आज जारी गर्नुभएको प्रेस विज्ञप्तीमा जनाइएको छ ।

ट्राफिक नियम उलङ्गन गरेवापत लाग्ने जरिवाना रकम बढाएको भन्दै यातायात मजदुर तथा यातायात व्यवसायीहरु त्यसको विरोधमा उत्रेका हुन् ।