अस्पताल उद्घाटनमा गृहमन्त्रीको भाषण-'संविधान कार्यान्वयन हुन नदिन देशी विदेशी चलखेल'

Posted on: May 24, 2016 | views: 288

११ जेठ, जाजरकोट ।

गृह मन्त्री शक्तिबहादुर बस्नेतले देश भित्र र वाहिरबाट संविधान कार्यान्वन हुन नदिन ठुलो चलखेल भैरहेको कुरा बताउनु भयो । जिल्ला अस्पताल जाजरकोटको ५० शैया अस्पतालको सुभारम्भ गर्दै मन्त्री बस्नेतले यस्तो कुरा बताउनु भएको हो ।

संविधान कार्यान्वयनलाई सहज ढंगले अगाडि बढाउनका निम्ती राष्ट्रिय सरकारको आवश्यता रहेको बताउनु भएको छ । संविधान निर्माण प्रक्रियामा सहभागी भएका पार्टीहरु एकै ठाउँमा बसेर सरकार बनाउदा उपयुक्त हुने बताउनु भयो । शिक्षा, स्वास्थय, सुरक्षा र रोजगारी जनताको मौलिख आवश्यकता भएको भन्दै राज्यले यस्को सहि सदुपयोग गर्नु पर्ने बताउनु भयो ।

सरकार पविर्तन भन्दा राष्ट्रिय सरकार गठन गरेर जाँदा संविधान कार्यान्वयनमा सहज हुने बताउनु भयो । संविधान कार्यान्वयनका लागि राष्ट्रिय सरकारको आवश्यकता भएको मन्त्री बस्नेतको भनाई छ । राष्ट्रिय सहमती विना देशको विकास नहुने भन्दै सवै मिलेर देश विकासमा जुट्नु पर्ने बताउनु बताउनु भयो ।

अहिलेको सरकारमा कांग्रेस सहभागी हुदा देशले चाडो निकास पाउने मन्त्री बस्नेतले बताउनु भयो । संविधानबारे विभिन्न दलका आआफ्नै असंन्तुष्टी छन् । तर पनि यो संविधान सहमतीको दस्तावेज भएकोले कार्यान्वयनमा सबै पक्षको सहयोग आवश्यक रहेको  बताउनु भयो ।

त्यसै गरी सरकारले लागु गरेको स्वास्थ्य विमा कार्यक्रमलाई ७५ वटै जिल्लामा लागु गर्नु सरकार लागि परेको बताउनु भयो । दुर्गम गाउँका जनताको स्वास्थ्य उचारमा राज्यले विशेष निती तथा कार्यक्रम संचालन गर्नु पर्ने बताउनु भयो ।