सशस्त्र प्रहरी प्रमुखमा राई,भारतलाई टक्कर दिने कडा निर्णय

Posted on: May 03, 2016 | views: 635

काठमाडौं,बैशाख १४ । सरकारले सशस्त्र प्रहरी बलको महानिरीक्षकमा दुर्जकुमार राईलाई नै बढुवा गर्ने निर्णय गरेको छ । यो निर्णयसँगै कायममुकायम महानिरीक्षक राई अब महानिरिक्षक हुनुहुने छ । सशस्त्र प्रहरीका प्रमुख कोषराज वन्तविरुद्ध अख्तियार दुरुपयोग अनुसन्धान आयोगले भ्रष्टाचारको मुद्दा चलाएपछि राईलाई सरकारले कायममुकायम महानिरीक्षकको जिम्मेवारी दिएको थियो ।
को हुन् राई ?
राईको जन्म २०१८ साल मंसिर १ गते भोजपुरको अन्नपूर्ण गाविस ८ मा भएको हो । प्रहरी निरिक्षकको रुपमा २०४३ सालमा प्रहरी सेवामा प्रवेश गरेका राईले त्रिभुवन विश्वविद्यालयको मानविकी संकायबाट स्नाकोत्तर तहसम्मको अध्ययन गरेका छन् । राई २०५८ सालमा नेपाल प्रहरीबाट सशस्त्र प्रहरीमा स्तान्तरण भएका हुन् । नेपाल प्रहरी र सशस्त्र प्रहरीका विभिन्न तालिम केन्द्रहरुमा प्रमुखको रुपमा समेत कार्य सम्पादन गरेका राईले प्रहरीमा गोर्खा दक्षिणबाहु, संयुक्त राष्ट्रसंघ पदक, विदेशी सेवा पदक, राष्ट्रिय दैवी प्रकोप उद्धार पदक, दुर्गम सेवा पदक लगायत विभिन्न पदक पाएका छन् । 
 
स्वदेश तथा विदेशमा सेवा गरेका राईले कम्बोडिया, हाइटीसँगै संयुक्त राष्ट्र संघ अन्तगत डार्फरमा समेत काम गरे । राई विभिन्न समयमा उच्च प्रतिनिधि मण्डलमा रहेर सशस्त्र प्रहरी बलको प्रतिनिधि समेत गरेका छन् ।   जनआन्दोलन उग्र बन्दै गएको बेला २०६३ बैशाख ७ गते कलंकीमा मनपरी गोली चलाएको उनीमाथि आरोप छ । यसैकारण उनलाई आईजीपी बनाउन नहुन् एक पक्षले आवाज उठाउँदै आएको थिए । यसअघि पनि उनको बढुवा हुँदा विरोध भएको थियो ।

त्यस्तै केपी शर्मा ओली नेतृत्वको सरकारले भारतलाई तीन जना भारतीयको नागरिकता खारेज गरेको छ । किर्तेगरी नेपाली नागरिकता लिएका तीनै जनाको नागरिकता खारेज गरिएको हो । बैठकले भारतीय नागरिक महेन्द्रकुमार मिश्र, सतिश कुमार मिश्र, अनिल कुमार मिश्रको नागरिकता खारेज गरेको सरकारका प्रवक्ता सूचना तथा प्रविधि मन्त्री शेरधन राईले जानकारी दिए । रुपन्देहीबाट नागरिकता लिएका उनीहरुले झुटो विवरण पेस गरेको पाइएपछि स्थानीय प्रशासनले खारेजीका लागि मन्त्रिपरिषदलाई सिफारिस गरेको थियो ।