नेपाललाई नामिबियाको २ सय ४० रनको चुनौती

Posted on: May 01, 2016 | views: 181

काठमाडौं,बैशाख ६ । विश्व क्रिकेट लिग च्याम्पियनसिप अन्तर्गत आज भएको दोस्रो खेलमा नामिबियाले नेपालसामू २ सय ४० रनको चुनौती पेश गरेको छ । टस हारेर पहिले ब्याटिङको निम्तो पाएको नामिबियाले निर्धारित ५० ओभरमा ९ विकेट गुमाउदै २ सय ३९ रन बनायो । उत्कृष्ट सुरुवात गरेको नामिबियाका मध्यक्रमका ब्याट्सम्यानहरु चल्न नसकेपनि अन्तिम ब्याट्सम्यानहरुले उत्कृष्ट प्रदर्शन गरेपछि नेपालले ठूलो चुनौती पाएको हो । सुरुवाती बीस ओभरमा बिनाक्षति ९५ रन प्रहार गरेको नामिबियाले त्यसपछि लगातार विकेट गुमाएको थियो । 

नामिबियाका कप्तान स्टीफन बार्डले ६० बलमा ५१ तथा जेन ग्रिनले ८७ बलमा ४७ रन बनाए । सारेल बर्गरले नटआउट ४३ रन बनाए । यस्तै जेपी कोट्जेले ३२, निकोलाश स्चोल्ट्सले २२, जेजे स्मिथले १४, लोहान लरेन्सले १०, पिक्की या फ्रान्स चार तथा ग्रेहार्ड इरामस तीन रन बनाएर आउट भए । बलिङतर्फ नेपालका बसन्त रेग्मी-२, सन्दिप लामिछाने-२, सागर पुन-१, शक्ति गौचन-१ र तीन खेलाडी रन आउट विकेट लिए । नामिबियाले दुई विकेट रन आउटमार्फत गुमाएको थियो । नेपाल केहिबेरमा ब्याटिङमा उत्रदैछ ।