सरकारलाई विप्लवले दियो यस्तो चेतावनी

Posted on: April 21, 2019 | views: 296

काठमाडौ ।  नेपाल कम्युनिष्ट पार्टीका महासचिव नेत्रविक्रम चन्द 'विप्लव'ले आफ्नाे पार्टीमाथिकाे दमन नराेकिए सरकारविरुद्ध सशक्त प्रतिराेध गर्ने चेतावनी दिएका छन्। शनिबार एक विज्ञप्ति जारी गर्दै महासचिव विप्लवले सशक्त प्रतिराेधका लागि आफूहरुलाई बाध्य नपार्नसमेत भनेका छन्।

'केपी सरकारले हाम्राे पार्टीमाथिकाे दमनलाई राेकेन, प्रतिबन्ध हटाएन, नेता कार्यकर्ताकाे गिरफ्तारी राेकेन भने हामी यसका विरुद्ध सशक्त प्रतिराेध गर्न बाध्य हुनेछाैं। हामी अहिले पनि भन्दैछाैं हामीलाई बाध्य नपारियाेस्', विज्ञप्तिमा भनिएकाे छ।

उनले जनताकाे साथ लिएर गरिने यस्ताे प्रतिराेधबाट निस्कने परिणामकाे जिम्मेवारी सरकारले लिनुपर्नेसमेत जिकिर गरेका छन्।

शुक्रबार पार्टी केन्द्रीय सदस्यहरु चुडामणि ओली 'आदर्श', चन्द्रबहादुर खड्का 'असल' र विश्वलाई सरकारले पक्राउ गरेकाे जनाउँदै उनले गिरफ्तारीमा पर्ने सबै नेताकार्यकर्ताकाे रिहाइकाे माग गरेका छन्। नेता विप्लवले पक्राउ परेका आफ्ना नेताकार्यकर्तालाई चरम यातनासमेत दिइएकाे दाबी गरेका छन्।