मन्त्री अधिकारीको राजकीय सम्मानसहित अन्त्येष्टि,काजकिरिया अब चार दिनमै सकिने

Posted on: March 01, 2019 | views: 213

काठमाडौं ।  संस्कृति, पर्यटन तथा नागरिक उड्ययनमन्त्री रवीन्द्र अधिकारीको राजकीय सम्मान सहित अन्त्येष्टि गरिएको छ।  हेलिकोप्टर दुर्घटनामा निधन भएका अधिकारीको प्रार्थिव शरिरलाई राजकीय सम्मानका साथ गृहनगर पोखराको रामघाटमा अन्त्येष्टि गरिएको हो ।

अधिकारीको पार्थिव शरीरमा श्रीमती विद्या भट्टराई र छोरा विराज र स्वराज अधिकारीले दागबत्ति दिएका हुन्। यसअघि पोखरा प्रदर्शनीस्थलमा श्रद्धाञ्जली सभा गरिएको थियो। शवयात्रा नयाँबजार, महेन्द्रपुल रानीपौवा, हस्पिटल चोक हुँदै रामघाटसम्म पुगेको थियो। अधिकारीको काजकिरिया ७ दिनमा सक्ने परिवारिक तयारी छ। आज तीन दिन बितिसकेपछि अब चारदिनमा काजकिरिया सकिने तयारी थालिएको हो ।