केन्द्र सांसद हितबहादुर तामाङ र प्रदेस सांसद् राधिका तामाङको पहलमा नुवाकोटमा करोडौको योजना भित्रियो

Posted on: November 27, 2018 | views: 1145

विदुर । नुवाकोटको प्रतिनिधिसभा सदस्य निर्वाचन क्षेत्र नं. १ बाट बिजयी हुनुभएका पूर्वमन्त्री समेत रहनुभएका सांसद् हितबहादुर तामाङ र प्रदेससभा सदस्य एवम् प्रदेस नं. ३ को उपसभामुख तथा पूर्व कृषि विकास राज्य मन्त्री समेत रहनुभएका प्रदेस सांसद् राधिका तामाङको पहलमा नुवाकोटमा करोडौको योजना भित्रिएको छ ।

उहाँहरुले नुवाकोटको लागी भित्र्याएको योजना जिल्लामा अहिलेसम्म केन्द्र सरकारबाट प्राप्त भएको सबैभन्दा धेरै गुणा बढीको योजना हो ।

उहाँहरुको विशेष पहल जिल्लामा विकासको लागी रहेका विभिन्न योजनाको बास्तविक चरित्र प्रस्तुत गरेर जनताको माग र चाहना अनुसारको बिनियोजन गर्नुभएको छ । करोडौको योजना शिक्षा, स्वास्थ्य, कृषि लगायत मानव विकासको लागी कार्यक्रम तथा योजना तर्जुमा गरिएको छ ।

यसअघि यही क्षेत्रमा काँग्रेसबाट सांसद् बन्नुभएका डा. रामशरण महतले सिमित योजना ल्याउने र त्यो पनि आफू निकट कार्यकर्तालाई उपभोक्ता समिति बनाएर दुरुपयोग हुदै आएकोमा अहिलेको दुई सांसदहरुले बिनियोजन गरेको बजेटमा जनताको पहुँच अनुसार भएको जस्तै अब कार्यान्वयन पनि पारदर्शी बनाउने उहाँहरुले प्रतिबद्धता जनाउनुभएको छ ।

यसअघिका पूर्वमन्त्री महतले विकास गरेर जनतामा चेतनाको स्तर बृद्धि तथा जागरुक भएमा आफूले गरेका कर्तुत सार्वजनिक हुने त्रासले जिल्लामा बजेट नै नल्याउने र ल्याएपनि दुरुपयोग गर्ने प्रवृत्ति बढिरहेको अबस्थमा पूर्वमन्त्री रहनुभएका सांसद हितबहादुर तामाङ र पूर्व कृषिविकास राज्य मन्त्री अहिले प्रदेस उपसभामुखको जिम्मेवारी पूरा गर्दै आउनुभएका प्रदेस सांसद् राधिका तामाङले बिनियोजन गरेको योजनाले विशेष गरी प्रतिनिधिसभा निर्वाचन क्षेत्र नं. १ को मुहार परिवर्तनमा महत्वपूर्ण योगदान हुने देखिएको छ ।

उहाँहरुको पहलमा नुवाकोटको प्रतिनिधिसभा निर्वाचन क्षेत्र नं. १ मा भित्रिएको बजेट निम्न अनुसार रहेको छ ।