स्थानियहरुले आफै मर्मत गर्न थाले दोधारा चाँदनीको झोलुंगे पुल

Posted on: October 31, 2018 | views: 63

पप्पु गुरुङ्ग, दोधारा । पर्यटकीय क्षेत्रका रुपमा रहेको एसियाकै दोस्रो लामो महाकाली नदीको  झोलुंगे पुल उचित मर्मत सम्भार नहुदा जीर्ण बन्दै गएको छ । पुलमा आवतजावत गर्न असहज हुन थालेको स्थानियहरुले बताएका छन् । पुलको पुलको दाँया,बाँया    लगाइएका जाली निकै कमजोर भई च्यात्तिएका छन् भने पुलको चारैतिर लगाइएका फलामे डोरी चुडिनुको साथै प्लेट फुस्कीन थालेका छन् । पुलको बीच भागमा बिछ्याइएका फलामे पाता समेत ठाँउ–ठाँउमा भाचिएका छन् ।

बेलाबखत दुर्घटना हुदै गरेको भन्दै स्थानिय र प्रहरीले आज पुलमा प्लेटका नट कस्ने तथा नयाँहरु थप्ने गरेको हो । झण्डै डेढ किलोमिटर लामो झोलुंगे पुल संरक्षणको अभावमा जोखिमपूर्ण बन्दै गएको छ । करिब १४ वर्ष अघि महाकाली नदी पारीका दुई गाविस दोधारा र चाँदनीका जनतालाई सदरमुकाम संंग जोड्न महाकाली नदीमा निर्माण भएको झोलुंगे पुल अहिले जिर्ण र भत्कने अबस्थामा पुगेको छ ।  

स्थानिय र प्रहरीको एक टोलीले पुलका नट बोल्ट तथा प्लेट फुस्कीएको भन्दै  एक घण्टा पुलको आवत जावतमा रोक लगाएर पुलको मर्मत गरेको स्थानिबासी गगन बहादुर सिंहले जानकारी दिएका छन् । ‘पुलको संरक्षणमा कसैले ध्यान नदिएको कारण सुरक्षाकर्मी र स्थानियहरु आज पुलको मर्मत गरेका हौं’ स्थानिबासी गगन बहादुर सिंहले भने– ‘पुल कमजोर भएको कारण देनिक जसो दुर्घटना हुने गरेको छ् ।’ पुल मर्मतमा कसैको ध्यान नगएको भन्दै माहाकाली नगरपालिका वडा नं। ६ का वडा अध्यक्ष तथा माहाकाली नगरपालिकाका नगर प्रबक्ता दिल बहादुर सिजाली, स्थानियबासी गगन बहादुर सिंह, पुल वारी र पारीका सुरक्षाकर्मीहरुले आज अपरान्हमा पुलको टुटेको भागहरुमा प्लेट थप्ने तथा नटबोल्ट कस्ने काम गरेको बताईएको छ् ।

पुलको अवस्था जिर्ण भएको कारण बेलबखत हुदै दुर्घटनालाई रोक्न पुलको प्लेट थप्ने तथा नटबोल्ट कस्ने काम गरेको स्थानियबासी गगन बहादुर सिंहको भनाई रहेको छ् । पुल बनेपछि राहत पाएका स्थानीयबासी सरकारी पक्षको उदाशीनताका कारण झोलुङ्गे पुल जिर्ण बन्दै गए पछि  निराश बनेका छन् । महाकाली नगरपालिकाका स्थानियलाई आवतजावतमा सहज मात्रै नभइ पुल पर्यटकीय महत्वको समेत रहेको छ । एशियाकै दोश्रो लामो झोलुंगे महाकालीको उक्त पुलको अबलोकन गर्न नेपालका विभिन्न जिल्ला र भारतीय पर्यटकहरु आउने गरेका थिए । मर्मत सम्भारमा सरकारी निकायको उदासिनताका कारण पुल अहिले भत्कने अबस्थामा पुगेको छ । कतिपय स्थानमा पोल जोडिएको भागमा पनि क्षति पुगेको छ् । पुल एक दुई वर्षमै भाचिने हो कि भन्ने खतरा बढेको छ् । पुल मर्मतका लागि भन्दै जिल्ला समन्वय समिति कञ्चनपुरले वर्षेनी कर उठाउदै आएको छ् ।

जिल्ला समन्वय समितिले कर उठाउदै आए पनि मर्मतमा लगानी शून्य भए पछि पर्यटकीय महत्वको पुल दिनहु जिर्ण बन्दै गएको छ् । अहिले दैनिक करीब तीन हजार यात्रुले पुलबाट ओहोरदोहोर गदै आएको स्थानियहरु बताउछन् । करिब १० करोड लागतमा निर्माण गरिएको यो पुल बनेपछि सात नम्बर प्रदेशका लाखौं नागरीक प्रत्यक्ष लाभान्बित छन् । तर पुल जिर्ण बन्दै गएपछि यसबाट निम्तिने खतराको जिम्मेवारी कस्ले लिने रु समयमै स्थानीय, प्रदेश र केन्द्र सरकारले ध्यान दिनु पर्ने स्थानिबासीको भनाई रहेको छ् ।