कैदीले किन पाएनन् संबिधान दिवस र दशैमा बाँकी कैद मिनाहा ?

Posted on: October 15, 2018 | views: 191

नुवाकोट । नेपाल सरकारले बडादशैं पर्वको अवसरमा कैदीको बाँकी कैद मिनाहा गर्ने गरेपनि यो वर्ष कानूनी अड्चनको कारण त्यो सुविधा अन्योल भएको छ ।

नेपालको नयाँ संबिधान अनुसार यही भदौ १ गतेदेखि कार्यान्वयनमा आएको फौजदारी संहिता ऐन र फौजदारी संहिता कार्यविधि अनुसार कानूनको अभावले यो वर्षको दशैमा कोही पनि केदीले मिनाहा नपाएको जिल्ला कारागार नुवाकोटका प्रमुख टंकराज चिमोरियाले जानकारी दिनुभयो ।


अहिले कार्यान्वयनमा रहेको कारागार ऐन २०२०, संशोधित २०४९ र कारागार व्यवस्था नियमावली २०५० एवम् सोही अनुसार निर्माण भएको कार्यविधिले न्यायलयबाट तोकिएको कैद सजाँयको ४० प्रतिशत कैद भुक्तानी गरेको र चालचलनमा सुधार भएको भनी जिल्लाबाट सिफारिस भए अनुसार नेपाल सरकारबाट स्वीकृत भएर मिनाह पाउने सुविधा यो वर्षको दशै र यसअघि असोज ३ गतेको संबिधान दिवसमा कोही पनि कैदीले मिनाहाको सुविधा नपाएको उहाँले बताउनुभयो ।


यसअघिको कानून अनुसार गम्भीर अपराधमा संलग्न रहेको बाहेकका कैदीलाई मिनाह दिनेसक्ने व्यवस्था भएपनि समयमै नयाँ कानून जारी गर्न नेपाल सरकारले नसक्दा संबिधान दिवस र दशै पर्वमा कैदीहरुले पाउने सुविधाबाट बञ्चित भएका छन् ।