सुन प्रकरणका आरोपीहरु धमाधम रिहा,डिएसपी प्रजित केसीलाई रिहा गर्न अदालतले आदेश

Posted on: September 16, 2018 | views: 269

काठमाडौं । साढे ३३ किलो सुनकाण्डमा मुछिएका डिएसपी प्रजित केसीलाई साधारण तारेखमा रिहा गर्न मोरङको उच्च अदालतले आदेश दिएको छ ।

आइतबार न्यायाधीशद्वय उमेशकुमार सिंह र उमेशराज पौडेलको संयुक्त इजलासले थुनामा रहेका प्रहरी नायब उपरीक्षक डिएसपी प्रजित केसी साधारण तारेखमा रिहा गर्न आदेश दिएको हो ।

 केसीलाई थुनामा राखिरहन पर्याप्त आधार नभएको भन्दै उच्च अदालतले रिहा गर्न आदेश दिएको हो ।
२९ भदौमा उच्च अदालत बिराटनगरका न्यायधीश नागेन्द्रलाभ कर्ण र सारङ्गा सुवेदीको संयुक्त्त ईजलासले जिल्ला अदालत मोरगको ८ जेठको आदेशलाई उल्टाउँदै अभियुक्त्त लोहनीलाई तारेखमा रहेर पुर्पक्ष गर्न दिन अन्तिम आदेश दिएको छ ।

उच्च अदालत बिराटनगरले सुन तस्करी र शनम शाक्य हत्या आरोपमा निलम्बित डिएसपी सञ्जयबहादुर राउत सहित १० जनालाई थुनामै राखेर पुर्पक्ष गर्न अन्तिम आदेश गरिसेकको छ । थुनामा रहेर आदेश उल्टाउन निवेदन गर्ने २३ जना अभियुक्त्तहरुको हकमा अझै सुनवाई हुन बाँकी छ ।

जिल्ला अदालतको आदेश उल्टाउन निवेदन गर्ने अभियुक्त्तहरु मध्ये चुँडामणी उप्रेती ९गोरे०का सहयोगी लाक्पा शेर्पा, टेकराज मल्ल सहित एयरलायन्स कर्मचारी तुलाराम थारु, पुण्यप्रसाद लामा, सुन कारोवारी महाबिरप्रसाद गोल्यान सहित हेमन्त गौतम र राजन थापा, सम्बिरप्रसाद तोलाङगे र राजनकुमारको हकमा पनि उच्च अदालत बिराटनगरले जिल्ला अदालतकै आदेश सदर गर्दै कानुन बमोजिम गर्न अन्तिम आदेश गरिसकेको छ ।

अन्तिम आदेश हुन बाँकी रहेका २३ अभियुक्त्तहरुमा पुर्व डिआईजी गोबिन्दप्रसाद निरौला, निलम्बित एसपी विकासराज खनाल, डिएसपी प्रजित केसी, सई बालकृष्ण सञ्जेल लगायत छन् । तत्कालीन महानगरीय अपराध महाशाखा प्रमुख हुँदा सनम शाक्य हत्या र ३३ किलो सुन अनुसन्धानमा लोहनी नेतृत्वको प्रहरी खटिएको थियो ।

जिल्ला प्रहरी कार्यालय मोरङले ९ प्रहरीसहित ६३ जनाविरूद्ध संगठित अपराध ऐन अनुसार मुद्दा चलाएको थियो ।

गृह मन्त्रालयद्वारा गठित छानविन समितिले शंका गरेपछि उनी प्रतिवादी बनाइएका थिए। गत असार ७ गते लोहनीले थुनामुक्त गर्न माग गर्दै उच्च अदालतमा निवेदन दिएका थिए ।