चेताङको पहिरो पीडितलाई नेकपाको नेताबाट राहत वितरण (फोटो सहित)

Posted on: September 16, 2018 | views: 326

३१ भदौ, नुवाकोट । दुप्चेश्वर गाँउपालिका वडा नं. १ घ्याङफेदीको चेताङमा गएको पहिरोबाट विस्थापित पीडितलाई प्रतिनिधिसभा सदस्य हितबहादुर तामाङ र प्रदेससभा सदस्य एवम् प्रदेस नं. ३ को उपसभामुख राधिका तामाङले आवश्यक राहत प्रदान गर्नुभएको छ ।

बुधबार गएको विनासकारी पहिरोको त्यसलगत्तै घटनास्थलमा आएर अवलोकन गरी व्यवस्थापनमा चासो देखाउनुभएका नेकपाको नेताहरुले आफ्नै पहल तथा विभिन्न सहयोगी मार्फत संकलन गरेको राहत स्वरुप खाद्यान्न, बासोबासको कपडा, भाडावर्तन आज प्रभावित परिवारलाई प्रदान गर्नुभएको हो ।



नेपाली सेनाको हेलिकोप्टर मार्फत प्रतिनिधिसभा सदस्य हितबहादुर तामाङ र प्रदेस न ३ का उपसभामुख राधिका तामाङले पहिरोको कारण विस्थापित भएका ३८ परिवारको लागी दुई हजार किलोग्राम चालम, १५० किलोग्राम दाल, ७६ लिटर तेल, एक सय किलोग्राम नुन, ८० किलोग्राम चिउरा, एक बोरा दालमोठ लगायतका राहत सामाग्री पीडितलाई प्रदान गरिएकोे राहत वितरणको लागी घ्याङफेदी स्थित विपस्थापित बसिरहेको स्थान घ्यावरचउर आउनुभएका नेकपाको युवा नेता एवम् समाजसेवी डिबी तामाङले जानकारी दिनुभएको छ ।
उहाँको अनुसार पहिरोले घरको पूर्ण क्षति बेहोरोका ११ परिवारको लागी तत्कालको लागी लत्ताकपडा, भाडावर्तन समेत उपलब्ध गराइएको र बाँकी परिवारको लागी खाद्यान्न सामाग्रि प्रदान गरिएको हो ।

बुधबार गएको विनासकारी पहिरोले क्षति पु¥याएकोे स्थानको बिहीबार अवलोकनको लागी पुग्नुभएका प्रतिनिधिसभा सदस्य एवम् पूर्वमन्त्री हितबहादुर तामाङले चेताङको बस्ती वर्षाको कारण बगेको पहिरोले बासोबासको लागी असुरक्षित रहेकाले त्यसको भूगर्भविद् मार्फत परीक्षण गराएपछि मात्र बस्ती बसाल्नतर्फ लाग्नुपर्ने बताउनुभएको छ ।



उहाँ सहित प्रदेन नं. ३ को उपसभामुख राधिका तामाङले आफ्नै खर्चमा जोहो गरेको चामल र सहयोगी मार्फत सकलन गरेको अन्य खाद्यान्न र लत्ताकपडा तथा ओढ्ने–ओछ्यानले तत्कालको लागी कष्टपूर्ण भएको दैनिकी सामान्य बनाउन सहयोग पुग्ने र आगामी दिनमा स्थानीय सरकारदेखि जिल्ला प्रशासन, प्रदेस सरकार र केन्द्र सरकार मार्फत थप सहयोग जुटाउन पहल गर्ने बताउनुभएको छ ।



राहत वितरको लागी काठमाडौमा बसेर व्यबस्थापनदेखि हेलिकोप्टर खोजेर पठाउन महत्वपूर्ण भूमिका निर्वाह गर्नुभएका प्रदेससभा सदस्य राधिका तामाङ कार्यव्यस्थता र अस्वस्थ्यताको कारण आउनु भएको थिएन भने प्रतिनिधिसभा सदस्य हितबहादुर तामाङ नेकपाको युवा नेता डिबी तामाङ, स्थानीय युवा तथा समाजसेवीहरु सम्देन शेर्पा, सुरज शेर्पा, राजु तामाङ, राजकुमार श्रेष्ठ, सूर्यबहादुर तामाङ, मुरारी थापा लगायतले सहयोग पु¥याउनुभएको थियो ।



यही भदौ २७ गते अर्था गएको बुधबार घ्याङफेदीको चेताङ गाँउमा बस्ती माथीबाट बगेको पहिरोले त्यहाँ रहेका ११ घरलाई पूर्ण क्षती र बाँकी घरमा समेत उच्च जोखिम बनाएपछि उनीहरु त्यहाबाट सुरक्षित स्थानमा खोजीमा घ्यावरचउरमा आएर बसोबास गरिरहेका छन् ।


पहिरोको जोखिमाम परेका मध्ये बृृद्ध दम्पत्तिलाई नेपाली सेनाले उद्धार गरी उपचार गरेर प्रशंसनीय कार्य गरेको थियो भने सरोकारवाला व्यक्ति र राहत वितरणको लागी प्रभावित स्थानसम्म हेलिकोप्टर उपलब्ध गराएर पनि नेपाली सेनाले सहयोग पु-याउदै आएको छ । यसैगरी घटनास्थलमा नेपाल प्रहरीले पनि उद्धार, विस्थापितलाई सुरक्षित स्थानमा पुर्नस्थापना, लगत संकलन तथा राहत वितरणमा सहयोग पु-याउदै आएको छ ।







विस्थापित पीडित मध्ये घर पूर्ण क्षति भएकालाई यसअघि नुवाकोट प्रशासन र दुप्चेश्वर गाँउपालिकाले १०–१० हजार रुपैयाँ उपलब्ध गराएको थियो भने घर जोखिम रहेकालाई पाँच–पाँच हजार रुपैयाँ उपलब्ध गराएको गाँउपालिका अध्यक्ष योबिन्द्रसिंह तामाङले जानकारी दिनुभएको छ ।


उहाँको अनुसार विस्थापित भएका ३४ परिवारलाई गाँउपालिकाले घ्यावर चउरमा घर भाडामा लिएर बसोबासको व्यवस्था मिलाएको छ भने अब उनीहरुको लागी राहत पु¥याउन तथा सामाजिक संस्थाहरु मार्फत राहत आह्वानको लागी अबरुद्ध रहेको सडक विस्तार एवम् मर्मतको कामलाई प्रथामिकता दिएर यही सातादेखि नै काम सुरु गर्न लागिएको छ ।